16.01.2025 | 12:43
Գլենդելը վերադառնում է բնականոն գործունեության. քաղաքապետը մանրամասներ է հայտնում
Էրդողանը Ադրբեջանի զորքերի ներխուժումը Արցախ անվանել է «պաշտպանական պատասխան»
Քաղաքականություն
31.03.2022 | 16:51
Թուրքիայի նախագահ Ռեջեփ Թայիփ Էրդողանն ադրբեջանական զորքերի ներխուժումն Արցախ ու 2020-ի նոյեմբերի 9-ի եռակողմ հայտարարության խախտումը Բաքվի կողմից անվանել է «պաշտպանական պատասխան», գրում է ՏԱՍՍ-ը։
«Ադրբեջանն ամբողջությամբ կատարում է եռակողմ համաձայնագրի դրույթները (Ռուսաստանի, Հայաստանի և Ադրբեջանի միջև)։ Հետևաբար՝ Ադրբեջանի կողմից որևէ խախտում չկա։ Քանի որ հարձակում եղավ Ադրբեջանի վրա, եղավ նաև պաշտպանական պատասխան»-ասել է Էրդողանը թուրք լրագրողների հետ զրույցում։
Հավելենք, որ ԵԱՀԿ Մինսկի խմբի համանախագահ երկրները ՌԴ-ն, ԱՄՆ-ն ու Ֆրանսիան, Ադրբեջանի զորքերի Արցախ ներխուժման փաստը արձանագրել ու հայտարարություններով են հանդես եկել դրանք ելման դիրքեր վերադարձնելու հորդորով։
Էմմա Չոբանյան
