13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ալիևը հույս է հայտնել է, որ Բրյուսելում Փաշինյանի ու Միշելի հետ կայանալիք հանդիպումը արդյունավետ կլինի
Քաղաքականություն
31.03.2022 | 16:08
Ադրբեջանի նախագահ Իլհամ Ալիևը այսօր ընդունել է Լեհաստանի արտաքին գործերի նախարար, ԵԱՀԿ գործող նախագահ Զբիգնև Ռաուի գլխավորած պատվիրակությանը, հաղորդում են ադրբեջանական լրատվամիջոցները։ Քննարկմանը մասնակցել է նաև ԵԱՀԿ գործող նախագահի անձնական ներկայացուցիչ Անջեյ Կասպրշիկը։
Հանդիպմանը Ալիևը հաստատել է, որ ապրիլի 6-ին Բրյուսելում պատրաստվում է հանդիպել Եվրոպական խորհրդի նախագահ Շառլ Միշելին ու ՀՀ վարչապետ Նիկոլ Փաշինյանին ու հույս հայտնել, որ այն կլինի արդյունավետ։
«ԵՄ-ն հայտարարել է, որ նախագահ Միշելի նախաձեռնությամբ կկայանա իմ նոր հանդիպումը Հայաստանի վարչապետի հետ։ Հուսով եմ, որ այս հանդիպումը արդյունավետ կլինի։ Արդեն մի քանի հանդիպումներ են տեղի ունեցել, և մենք պետք է շարժվենք Ադրբեջանի և Հայաստանի միջև խաղաղության պայմանագրի ստորագրման ուղղությամբ, որքան հնարավոր է շուտ ստորագրենք այդ փաստաթուղթը։ Ադրբեջանը ներկայացրել է իր սկզբունքները՝ հիմնված իր տեսլականի վրա»,-ասել է Ալիևը։
Նա կրկին ադրբեջանական թեզն է ներկայացրել, որ Ադրբեջանը «ինքնուրույն լուծել է Ղարաբաղյան հակամարտությունը և որ ժամանակն է կարգավորել հայ-ադրբեջանական հարաբերությունները»։
Էմմա Չոբանյան
