10.10.2026 | 12:57
Նավթի գներն աճել են
Վաղը ժամը 11:00-ից վերսկսել քաղաքացիական անհնազանդության գործողությունները. Նիկոլ Փաշինյանի կոչը. ՏԵՍԱՆՅՈՒԹ
Քաղաքականություն
24.04.2018 | 23:46
Րոպեներ առաջ Նիկոլ Փաշինյանն ուղիղ եթերով դիմեց հանրությանը՝ անդրադառնալով իր և Կարեն Կարապետյանի վաղը առավոտյան նախատեսված հանդիպման չեղարկմանը:
«Մենք ձեզ կոչ ենք անում վաղվանից վերսկսել քաղաքացիական անհնազանդության գործողությունները և ժամը 11-ից հավաքվել Հանրապետության հրապարակում՝ իրավիճակը քննարկելու և մեր հետագա անելիքները որոշելու: Չի կարող այնպես պատահել, որ մենք Սերժ Սարգսյանի հրաժարականին հասնելով՝ հետևենք, թե ինչպես է Հանրապետականը սեփական լիդերին զոհաբերելով փորձում իշխանությունը պահպանել»,- ասաց Փաշինյանը:
Միևնույն ժամանակ՝ նա ասաց, որ իր հեռախոսահամարներն ունեն ԱԺ նախագահը, Կարեն Կարապետյանը և ՀՀԿ խմբակցության ղեկավարը, և եթե ընդդիմության առաջադրած օրակարգի շուրջ բանակցելու ցանկություն ունեն՝ ապա կարող են զանգահարել:
«Եվս մեկ շաբաթ անհրաժեշտ է մեր հաղթանակը ամրագրելու կամ նոր փուլ թևակոխելու համար, որովհետև մեկ շաբաթվա ընթացքում ԱԺ-ում պետք է տեղի ունենան նոր վարչապետի ընտրություններ: Եվ ես հույս ունեմ, որ Հանրապետականները հասկանում են, որ որևէ ՀՀԿ-ականի թեկնածության առաջադրումը, նույնիսկ առաջադրումը, է՛լ ավելի կմեծացնի մեր շարժման թափը»,- եզրափակեց Փաշինյանը:
Առավել մանրամասն՝ տեսանյութում:
