16.01.2025 | 15:47
Նախորդ տարի մեզ հաջողվել է կրճատել վթարների թիվը․ Արփինե Սարգայան
ՌԴ ԱԳՆ-ն հայտարարել է, որ պատժամիջոցները դժվարացնում են արտերկրում դիվանագիտական ներկայացուցչությունների աշխատանքը
Քաղաքականություն
25.03.2022 | 19:59
Մոսկվան հնարավորություն ունի հայելային միջոցներ ձեռնարկել այն երկրների դիվանագետների դեմ, որտեղ նրանք անօրինական կերպով միջամտում են ռուսական դիվանագիտական ներկայացուցչությունների աշխատանքին։ Այս մասին հայտարարել է ՌԴ ԱԳՆ տնտեսական համագործակցության դեպարտամենտի տնօրեն Դմիտրի Բիրչևսկին, գրում է ՏԱՍՍ-ը։
«Կա պատասխան միջոցների ինչ-որ հայելային տարբերակ, որոնք մենք կարող նք ընդունել, որպեսզի ամեն ինչ հիմնված լինի հավասարության վրա և նույն ազդեցությունն ունենա այն երկրների գործընկերների վրա, որոնք սահմանափակումներ են սահմանում մեր դեմ»,- ասել է նա «Ռոսիա 24»-ի եթերում։
Բիրչևսկին հավելել է, որ դիվանագիտական ներկայացուցչությունները «չպետք է և չեն ենթարկվում» պատժամիջոցների, սակայն որոշ բանկեր այն երկրներում, որտեղ ռուսական դիվանագիտական ներկայացուցչությունների աշխատանքը սահմանափակ է, դեռևս «միջամտում են Ռուսաստանի դիվանագետների աշխատանքին»։
«Մենք բացատրում ենք, որ դիվանագիտական ներկայացուցչությունները պաշտոնապես պատժամիջոցների չեն ենթարկվում, բայց բանկերի որոշ պաշտոնյաներ կամ հենց բանկերը կարող են այլ կերպ մտածել, այնպես որ՝ այս կողմը ոչ միշտ է գործնականում աշխատում»,- ասել է ռուսաստանցի պաշտոնյան։
Էմմա Չոբանյան
