08.06.2026 | 13:08
Հիմա հենց այն ժամանակն է, որ Եվրամիությունն իրական աջակցություն ցուցաբերի Հայաստանին․ Զելենսկին շնորհավորել է Նիկոլ Փաշինյանին
Ռուսաստանի հետ վերջնական փոխզիջումները կորոշվեն համաուկրաինական հանրաքվեով․ Զելենսկի
Քաղաքականություն
22.03.2022 | 12:40
Ուկրաինայի և Ռուսաստանի միջև բանակցություններում վերջնական փոխզիջումները կորոշվեն համաուկրաինական հանրաքվեով, այդ թվում՝ «Դոնբասի և Ղրիմի ժամանակավոր օկուպացված տարածքների անվտանգության երաշխիքների հարցերը»։ Այս մասին հայտարարել է Ուկրաինայի նախագահ Վլադիմիր Զելենսկին Suspilny-ին տված հարցազրույցում։
«Պատասխանը շատ պարզ է։ Մենք բոլորս արդեն հասկանում ենք։ Մեզ չեն վերցնում (ՆԱՏՕ), քանի որ վախենում են Ռուսաստանից։ Ահա և վերջ։ Եվ մենք պետք է հանգստանանք, ասենք՝ «լավ, այլ երաշխիքներ տվեք»։ Կան ՆԱՏՕ-ի անդամ երկրներ, որոնք ցանկանում են անվտանգության երաշխիքներ, որոնք, ցավոք, չեն կարող մեզ դարձնել դաշինքի լիիրավ անդամներ, սակայն պատրաստ են անել այն ամենը, ինչ պետք է աներ դաշինքը, եթե մենք լինեինք դրա անդամ։ Եվ ես կարծում եմ՝ դա նորմալ փոխզիջում է»,- հավելել է նա։
Զելենսկիի խոսքով՝ անվտանգության երաշխիքների հարցերում ուշադրության կենտրոնում կլինեն սահմանադրական փոփոխություններն ու ուկրաինական օրենսդրության փոփոխությունները։
«Ես բացատրել եմ բոլոր բանակցային խմբերին, որ երբ դուք խոսում եք այս բոլոր փոփոխությունների մասին, և դրանք կարող են պատմական լինել, մենք կգնանք հանրաքվեի»,- ասել է Ուկրաինայի նախագահը։
Ըստ նրա՝ ժողովուրդը պետք է պատասխանի փոխզիջումների այս կամ այն ձևաչափերին։ Իսկ թե դրանք ինչ կլինեն, դա արդեն կլինի Ուկրաինայի և Ռուսաստանի միջև փոխըմբռնման հարցը։
Տաթև Ֆռանգյան
