21.08.2026 | 14:24
Պարո՛ն Ղազարյան, ճիշտ դիրք ունեք․ երբ ես խոսում եմ, Ձեր գլուխը պիտի կախ լինի․ Վիլեն Գաբրիելյան․ ՏԵՍԱՆՅՈՒԹ
Էրդողանը հայտարարել է՝ Թուրքիան կարող է ստեղծել իր Սիլիկոնյան հովիտը
Քաղաքականություն
21.03.2022 | 23:31
Թուրքիան հասել է տեխնոլոգիական զարգացման այնպիսի մակարդակի, որ կարող է ստեղծել Սիլիկոնյան հովտի անալոգը, արձակել ամենաժամանակակից հայրենական արտադրության արբանյակները։
«Մենք վճռական ենք արժանի տեղ գրավել զարգացման բոլոր ոլորտներում, այդ թվում՝ տիեզերագնացության»,- այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է «Անադոլու» գործակալությունը։
Նա նշել է, որ որքան ուժեղ և զարգացած է երկիրը, այնքան քիչ են հնարավորությունները նրա հակառակորդների համար։ Ըստ Էրդողանի՝ նման պետությունները թույլ են ճգնաժամերի և աղետների առջև։
«Այսօր Թուրքիան ինքն է բարձր տեխնոլոգիական արտադրանքի լայն տեսականի ստեղծում՝ բալիստիկ հրթիռներից մինչև ծրագրային ապահովում: Նրանք, որոնք ասում են, թե Թուրքիան չունի տեխնոլոգիական զարգացման ներուժ, վիրավորում են մեր երկրին, թուրք երիտասարդությանը»,- ասել է Էրդողանը։
Նա նաև անդրադարձել է Ուկրաինայում տիրող իրավիճակին։
«Ուկրաինայի և ՌԴ-ի միջև ճգնաժամը կրկին հաստատում է, որ եթե տեխնոլոգիապես ամուր կանգնած չեք, չեք հենվում ներքին մարդկային կապիտալի վրա, ապա գտնվում ենք անդունդի եզրին։ Երկրին, որը չի արտադրում սեփական զենքը, հայրենական անօդաչուները, ցանկացած պահի կարող են փորձել ստրկացնել»,- հայտարարել է Էրդողանը։
Էմմա Չոբանյան
