28.03.2026 | 19:57
Սպասվում են տեղումներ. լեռնային գոտիներում՝ թաց ձյան, նախալեռնային և հովտային գոտիներում՝ անձրևի տեսքով
ՌԴ-ն չեղարկում է Ճապոնիայի քաղաքացիների՝ առանց վիզայի Կուրիլներ այցելելու որոշումը
Քաղաքականություն
21.03.2022 | 22:39
ՌԴ-ն, ի պատասխան Տոկիոյի հակառուսական պատժամիջոցների, դադարեցնում է Ճապոնիայի քաղաքացիների համար առանց վիզայի այցելությունները Հարավային Կուրիլյան կղզիներ։ Այս մասին հայտարարել է ՌԴ ԱԳՆ-ն, գրում է ՌԻԱ Նովոստին։
Բացի այդ, Ռուսաստանը նաև դուրս է գալիս Ճապոնիայի հետ Կուրիլներում համատեղ տնտեսական գործունեության հաստատման շուրջ երկխոսությունից։
«Հաշվի առնելով Ուկրաինայում ստեղծված իրավիճակի հետ կապված Ճապոնիայի կողմից Ռուսաստանի դեմ միակողմանի սահմանափակումների ակնհայտ անբարյացակամ բնույթը՝ ռուսական կողմը դուրս է գալիս Ճապոնիայի հետ երկխոսությունից հարավային Կուրիլներում համատեղ տնտեսական գործունեություն ծավալելու շուրջ»,- հայտարարել է ռուսական արտաքին քաղաքական գերատեսչությունը։
Էմմա Չոբանյան
