16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Մեծ Բրիտանիան պատրաստվում է ժամանակավորապես ազգայնացնել «Գազպրոմի» դուստր ձեռնարկությունը․ Bloomberg
Քաղաքականություն
21.03.2022 | 20:52
Մեծ Բրիտանիայի կառավարությունը պատրաստվում է ժամանակավորապես ազգայնացնել «Գազպրոմի» դուստր ձեռնարկությունը։ Այս մասին հայտնում է «ՌԲԿ Ուկրաինա»-ն՝ հղում անելով Bloomberg-ին։
Նշվում է, որ Բրիտանիայի իշխանությունները պատրաստ են վերահսկողություն սահմանել սահմանել Gazprom Marketing & Trading Retail Ltd-ի նկատմամբ։ Ընկերությունը Մեծ Բրիտանիայում զբաղվում է կապույտ վառելիքի մանրածախ առևտրով։
«Gazprom Marketing & Trading Retail Ltd-ն, որը բիզնես է վարում ավելի քան 30,000 հաճախորդի հետ, կառավարման հատուկ ռեժիմի ներդրման գլխավոր թեկնածուն է»,- լրատվամիջոցին ասել է տեղեկացված աղբյուրը։
Դուստր ձեռնարկությունը մատակարարում է Մեծ Բրիտանիայի արդյունաբերական և առևտրային գազի մոտավորապես 20%-ը: Gazprom Marketing & Trading Retail Ltd-ի հաճախորդների թվում են, մասնավորապես, Առողջապահության ազգային ծառայությունը և պետական այլ կառույցներ:
Էմմա Չոբանյան
