16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
ՌԴ ԱԳՆ-ն անդրադարձել է Պուտինի մասին Բայդենի հայտարարություններին. ԱՄՆ դեսպանն ԱԳՆ է հրավիրվել
Քաղաքականություն
21.03.2022 | 19:53
ԱՄՆ նախագահ Ջո Բայդենի՝ ՌԴ նախագահ Վլադիմիր Պուտինի հասցեին «վիրավորական արտահայտությունները մղում են ռուս-ամերիկյան հարաբերությունների խզման»։ Այս մասին ասվում է ՌԴ ԱԳՆ հայտարարության մեջ, գրում է ՌԻԱ Նովոստին։
Ավելի վաղ Ջո Բայդենը հայտարարել էր, որ ՌԴ նախագահ Վլադիմիր Պուտինին համարում է «ռազմական հանցագործ»։ Այսօր այդ առիթով ԱՄՆ դեսպան Ջոն Սալիվանը հրավիրվել է ՌԴ ԱԳՆ, նրան բողոքի նոտա է հանձնվել։
«ԱՄՆ նախագահի նման հայտարարություները, որոնք հարիր չեն նման բարձր կարգի պետական գործչին, ռուս-ամերիկյան հարաբերությունները կանգնեցնում են խզման եզրին»,- ասվում է ԱԳՆ հայտարարության մեջ։
Ամերիկացի դեսպանին նախազգուշացրել են, որ ՌԴ-ի դեմ թշնամական գործողությունները կստանան «վճռական ու կոշտ դիմադրություն»։
Էմմա Չոբանյան
