17.01.2026 | 19:30
Այսօր ԱՄՆ-ի ազդեցությունը Կովկասում շատ ավելի թույլ է, քան Խորհրդային Միության փլուզումից հետո էր․ Ջոն Բոլթոն․ ՏԵՍԱՆՅՈՒԹ
ԵՄ-ն կավելացնի Ուկրաինային ֆինանսական աջակցությունն ու զենքի մատակարարումները
Քաղաքականություն
21.03.2022 | 18:45
ԵՄ-ն մեծացնելու է Ուկրաինային ֆինանսական օգնությունն ու զենքի մատակարարումները։ Այս մասին Բրյուսելում հայտնել է Գերմանիայի ֆինանսների նախարար Աննալենա Բաերբոքը, գրում է CNN-ը։
«Մենք ռազմական արտադրանքի գնման ֆինանսական միջոցները կավելացնենք՝ հասցնելով 1 միլիարդ եվրոյի, որպեսզի պարզ լինի՝ մենք լիակատար համերաշխությամբ կանգնած ենք Ուկրաինայի կողքին, հանդես ենք գալիս Ուկրաինայի քաղաքացիական բնակչության պաշտպանության օգտին»,- ասել է նա լրագրողների հետ զրույցում։
Բեռլինը նաև կապահովի, որ գերմանական արտադրողների զենքի վաճառքն իրականացվի հնարավորինս արագ։
«Ուկրաինան լրացուցիչ սպառազինության կարիք ունի»,- ասել է նա՝ անվտանգության նկատառումներից ելնելով այլ մանրամասներ չներկայացնելով։
«Սա կյանքի և մահվան մասին է, մենք պատերազմի մեջ ենք, հետևաբար՝ անհրաժեշտ է բացարձակ զգուշություն՝ նշելու համար, թե որ զենքերը և որտեղ պետք է առաքվեն։ Մենք զգում ենք, որ Ռուսաստանի կառավարությունը շարունակում է սրացնել իր հռետորաբանությունը միջուկային զենքի, ինչպես նաև ՆԱՏՕ-ի տարածքի հետ կապված»,- հավելել է նա:
Բաերբոքը նաև նշել է, որ ՆԱՏՕ-ն պետք է կանխի պատերազմի տարածումն այլ երկրներ։
Էմմա Չոբանյան
