08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Ուկրաինայի ԱԳՆ-ն ռուս զինվորականներին մեղադրում է 2389 երեխայի առևանգման մեջ
Քաղաքականություն
21.03.2022 | 18:25
Ուկրաինայի ԱԳ նախարարությունը ռուսական ուժերին մեղադրել է 2389 ուկրաինացի երեխայի անօրինական կերպով Ռուսաստանի Դաշնության տարածք տեղափոխելու մեջ։ Նրանք մարտի 19-ին դուրս են բերվել Կիևի կողմից չվերահսկվող Դոնեցկի և Լուգանսկի շրջաններից, գրել է գերատեսչությունը Facebook-ում, փոխանցում է DW-ի ռուսական ծառայությունը։
«Խաղաղ բնակչության բռնի տեղափոխումն ագրեսոր պետության տարածք, մասնավորապես՝ երեխաների, առևանգման նշաններ ունի։ Նման գործողությունները միջազգային իրավունքի, մասնավորապես՝ միջազգային մարդասիրական իրավունքի կոպիտ խախտում են»,- ասված է հայտարարության մեջ։
Ուկրաինայի ԱԳՆ-ն միջազգային հանրությանը կոչ է արել «անհապաղ արձագանքել» այս տեղեկատվությանը և «ուժեղացնել ճնշումը Ռուսաստանի վրա՝ ստիպելու նրան դադարեցնել բարբարոսական պատերազմն ուկրաինացի ժողովրդի դեմ»։
Տաթև Ֆռանգյան
