08.06.2026 | 17:53
Թուրքիան աջակցում է Ադրբեջանի և Հայաստանի միջև խաղաղության գործընթացին․ Ֆիդան
Մարտի 21-ը Պոեզիայի համաշխարհային օրն է
Մշակույթ
21.03.2022 | 17:24
Առաջին անգամ Պոեզիայի համաշխարհային օրը նշվել է 1999 թվականին Փարիզում, որտեղ ՅՈՒՆԵՍԿՕ-ի գլխավոր գրասենյակն է․ տեղեկացնում են ԿԳՄՍՆ-ից։
Աշխարհով մեկ տարածվելով՝ Պոեզիայի համաշխարհային օրը Հայաստանում առաջին անգամ նշվել է 2010 թվականին:
Հայ ժամանակակից պոեզիան ժամանակն ու իրականությունը հստակորեն պատկերող երևույթ է, որը լավագույնս ցույց է տալիս մարդու հարաբերությունն արտաքին աշխարհի հետ:
Այսօրվա բանաստեղծը հասարակական հարաբերությունները, երևույթներն արձանագրելու սկզբունքորեն նոր վերաբերմունք ու գեղագիտական հմտություններ ունի:
Հետանկախության տարիներին, հատկապես՝ մեր դարում, մարդկային հարաբերություններն արդեն լիովին պոեզիայի տարածք են ներխուժել՝ ենթարկվելով տարբեր մեկնությունների:
Պոեզիայի համաշխարհային օրվա առիթով ՀՀ ԿԳՄՍ նախարարությունը շնորհավորում է բոլոր բանաստեղծներին, ինչպես նաև պոեզիայի հավատավոր ընթերցողներին:
