14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ-ն պատրաստ է նպաստել տարածաշրջանի խաղաղությանը, ժողովրդավարությանն ու առաջընթացին․ Ջո Բայդենը՝ Ալիևին
Քաղաքականություն
21.03.2022 | 15:48
ԱՄՆ նախագահ Ջո Բայդենն Ադրբեջանի նախագահ Իլհամ Ալիևին շնորհավորական նամակ է հղել Նովրուզի կապակցությամբ։ Ադրբեջանական լրատվամիջոցների փոխանցմամբ՝ դրանում Բայդենն անդրադարձել է նաև Հարավային Կովկասում խաղաղությանը նպաստելու կարևորությանը։
«Այս տարի լրանում է ԱՄՆ-ի և Ադրբեջանի միջև դիվանագիտական հարաբերությունների հաստատման 30 տարին։ Մինչ մենք նշում ենք այս տարելիցը, մեր վարչակազմը կշարունակի աջակցել Հարավային Կովկասում ժողովրդավարությանը, խաղաղությանն ու առաջընթացին։ Մենք նաև Ադրբեջանի հետ միասին կաշխատենք լուծել անվտանգության ընդհանուր խնդիրները, նպաստել տարածաշրջանային խաղաղությանն ու տնտեսական համագործակցության նոր հնարավորությունների ուսումնասիրմանը»,- ասվում է նամակում։
Էմմա Չոբանյան
