10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Պեսկովը հայտարարել է, որ վաղ է խոսել Պուտինի և Զելենսկիի հանդիպման մասին
Քաղաքականություն
21.03.2022 | 14:14
ՌԴ նախագահի մամուլի խոսնակ Դմիտրի Պեսկովը հայտարարել է, որ վաղ է խոսել ՌԴ և Ուկրաինայի նախագահներ Վլադիմիր Պուտինի և Վլադիմիր Զելենսկիի հանդիպման մասին, քանի որ «նրանք ֆիքսելու ոչինչ չունեն, պայմանավորվածություններ չկան», գրում է BBC-ի ռուսական ծառայությունը։
«Որպեսզի խոսք գնա երկու նախագահերի հանդիպման մասին, ապա սկզբում պետք է անել տնային աշխատանքը, այսինքն՝ բանակցություններ անցկացնել և համաձայնեցնել դրանց արդյունքները»,- ասել է Պեսկովը։
Նա նշել է, որ բանակցություններում առաջընթաց չկա։
«Հիմա դեռ որևէ էական առաջընթաց չկա։ Դեռ վաղ է խոսել երկու նախագահների հանդիպման մասին, նրանք ոչինչ չունեն ֆիքսելու։ Չկան պայմանավորվածություններ, որոնք նրանք կարող են ֆիքսել»,- ասել է Պեսկովը։
Բացի այդ, Կրեմլի խոսնակն ասել է, որ կրակի դադարեցում բանակցությունների ընթացքում չի լինի։
Խոսելով հումանիտար միջանցքների մասին՝ Պեսկովը կրկին Կիևին է մեղադրել։
«Հումանիտար միջանցքները կազմակերպվում են, սակայն մարդկանց չեն թողնում դրանցով դուրս գալ»,- ասել է Պեսկովը։
Կիևն իր հերթին բազմիցս հայտարարել է, որ մարդիկ չեն կարողանում դուրս գալ «կանաչ միջանցքներով»՝ չդադարող գնդակոծությունների պատճառով։
Էմմա Չոբանյան
