29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Իլհամ Ալիևը կնոջ հետ այցելել է Արցախի գրավյալ Մատաղիս և այնտեղ նոր զորամաս բացել․ ԼՈՒՍԱՆԿԱՐՆԵՐ
Քաղաքականություն
21.03.2022 | 13:42
Ադրբեջանի նախագահ Իլհամ Ալիևն ու նրա կինը՝ Մեհրիբան Ալիևան, նախօրեին այցելել են Արցախի գրավյալ Մատաղիս ու մի շարք միջոցառումների մասնակցել։ Ադրբեջանական լրատվամիջոցների հաղորդմամբ՝ Մատաղիսում տեղի է ունեցել նոր զորամասի բացում, որին մասնակցել են Ալիևները, Ադրբեջանի պաշտպանության նախարար Զաքիր Հասանովը։
Իլհամ Ալիևը նախ ծանոթացել է ռազմական տեխնիկային, տեղեկացվել զորամասում ստեղծված պայմաններին։ Նշվում է, որ զորամասի տարածքում կառուցվել են անցակետ, շտաբի շենք, զինվորների հանրակացարաններ, բուժկետ, կաթսայատներ, խանութ, ճաշարան՝ նախատեսված 174 անձի համար։
Գրավյալ Մատաղիսում Ալիևները նաև նոր մզկիթի հիմնարկեքին են մասնակցել։ Բացի այդ, նրանք այցելել են Մատաղիսի հայկական միջնակարգ դպրոց, որը կառուցել է «Հայաստան» համահայկական հիմադրամի միջոցներով 2005-2007 թվականներին։
Հաղորդվում է, որ ադրբեջանցիների կողմից ավերված և թալանի ենթարկված դպրոցը վերանորոգվելու է։
Էմմա Չոբանյան
