15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Ձնաբքի հետևանքով փակ են դեպի Բավրա, Շաղիկ ու Մեծ Մանթաշ տանող ճանապարհները․ ՏԵՍԱՆՅՈՒԹԵՐ
Տեսանյութեր
21.03.2022 | 12:54
Շիրակի մարզպետարանի քաղաքաշինության վարչության պետ Խաչատուր Խնձրցյանի տեղեկացմամբ, այս պահին փակ է Բավրա տանող ճանապարհահատվածը։ Ձնաբքի հետևանքով ճանապարհի որոշ հատվածներում 2 մետր ձյուն է կուտակվել։ Պաշտոնյան այս պահին Աշոցքում է։ Նա մեզ հետ զրույցում տեղեկացրեց, որ աշխատանքներն են տանում ճանապարհը երթևեկելի դարձնելու ուղղությամբ։
Նրա տեղեկացմամբ, փակ է նաև Ամասիայի հեռավոր գյուղերից Շաղիկ տանող ճանապարհը, ինչպես նաև Արթիկի տարածաշրջանի Մեծ Մանթաշ տանող ճանապարհը։ «Մնացած բոլոր ճանապարհները բաց են»,-փոխանցեց մարզպետարանի պաշտոնյան։
Շիրակի մարզպետարանի պաշտոնական էջով էլ վարորդներին հորդորում են երթևեկել խիստ անհրաժեշտության դեպքում։
«Շիրակի մարզում կան փակ և դժվարանցանելի ճանապարհներ։ Սաստիկ բքի և վատ տեսանելիության պատճառով Շիրակի մարզում դեռևս փակ են Աշոցքի, Ամասիայի և Արթիկի (Մեծ Մանթաշ և Գեղանիստ) տարածաշրջանների ավտոմոբիլային ճանապարհները (միջպետական, հանրապետական և մարզային)։ Մարզի Անիի, Ախուրյանի և Արթիկի տարածաշրջանների մյուս ճանապարհահատվածները բաց և բավարար երթևեկելի են։ Սպասարկող ընկերությունները շարունակում են աշխատել արտակարգ ռեժիմով։ Վարորդներին հորդորում ենք երթևեկել միայն խիստ անհրաժեշտության դեպքում»,-գրված է մարզպետարանի պաշտոնական հաղորդագրությունում։
Արմիկ Մովսիսյան
,
,
