05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Ռուսական զորքերի հիմնական մասը Կիևից 25 կմ հեռավորության վրա է մնում․ Մեծ Բրիտանիայի հետախուզություն
Քաղաքականություն
21.03.2022 | 15:39
Կիևը շարունակում է մնալ ռուսական զորքերի հիմնական թիրախը՝ չնայած հարձակողական գործողությունների ձախողմանը։ Առաջիկա շաբաթներին ՌԴ-ն կարող է փորձել շրջափակել Ուկրաինայի մայրաքաղաքը։ Այս մասին Twitter-ում հայտնել է Մեծ Բրիտանիայի հետախուզությունը։
Աղբյուրի փոխանցմամբ՝ Ռուսաստանի ուժերի 2/3-ը, հյուսիս-արևելքից առաջ շարժվելով դեպի քաղաք, կանգ է առել։ Գոստոմելից դեպի հյուսիս-արևմուտք առաջացող ռուսական զորքերը հետ են մղվել ուկրաինացիների համառ դիմադրությամբ։ Ռուսների հիմնական մասը մնում է Կիևի կենտրոնից ավելի քան 25 կիլոմետր հեռավորության վրա։
Ըստ The Wall Street Journal-ի հետ զրուցած ամերիկացի ռազմական վերլուծաբանների՝ Պուտինը, կարծես թե, փոխել է մարտավարությունը Ուկրաինայի մայրաքաղաքում բլիցկրիգի ձախողման պատճառով։ Այժմ նա կենտրոնացել է Ուկրաինայի հարավային և արևելյան շրջանների գրավման վրա՝ Ղրիմին ցամաքային միջանցք ապահովելու համար։
Տաթև Ֆռանգյան
