08.06.2026 | 22:44
Իրանի ԱԳ նախարարը հայերեն գրառմամբ է շնորհավորել Փաշինյանին
Ամոնիակի արտահոսք ուկրաինական Սումիի քիմիական գործարանում
Քաղաքականություն
21.03.2022 | 13:23
Ուկրաինայի «Սումիխիմպրոմ» քիմիական արդյունաբերության գործարանում ամոնիակի արտահոսք է տեղի ունեցել։
Այս մասին հայտնել է Սումիի համայնքապետ Դմիտրի Ժիվիցկին, գրում է Unian-ը։
«Ուշադրություն՝ 21.03.2022։ Ժամը 04.30։ Ամոնիակի արտահոսք «Սումիխիմպրոմից»։ Վնասված գոտին մոտ 5 կմ շառավղով է»,- գրել է նա։
«Ներկայում տուժած տարածքը մոտ 2,5 կմ է, քամու ուղղությունը և վտանգի տակ գտնվող բնակավայրը Նովոսելիցա գյուղն է: Աշխատում են գործարանի և Արտակարգ իրավիճակների պետական ծառայության շտապօգնության խմբերը, Սումիին դեռ վտանգ չի սպառնում (քամու ուղղությունը դեպի քաղաքը չէ)»,- հավելել է նա։
Ժիվիցկին նաև հիշեցրել է, որ ամոնիակն անգույն գազ է՝ սուր, խեղդող հոտով, պայթուցիկ և թունավոր։ Այն ավելի թեթև է, քան օդը, ուստի պաշտպանության համար անհրաժեշտ է օգտագործել կացարաններ, նկուղներ և տների ստորին հարկերը։
Տաթև Ֆռանգյան
