16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
Ֆրանսիան սառեցրել է Ռուսաստանի ԿԲ-ի 22 մլրդ եվրոյի ակտիվները
20.03.2022 | 22:03
Ֆրանսիան սառեցրել է Ռուսաստանի բանկի 22 մլրդ եվրոյի ակտիվները, «ՌԻԱ Նովոստի»-ի փոխանցմամբ՝ հայտնել է երկրի էկոնոմիկայի և ֆինանսների նախարար Բրյունո Լը Մերը:
«Մենք սառեցրել ենք Ռուսաստանի Կենտրոնական բանկի ակտիվները 22 միլիարդ եվրոյի չափով: Բացի այդ, մենք սառեցրել ենք ակտիվներ ֆրանսիական հիմնարկներում մասնավոր անձանց հաշիվներում 150 միլիոն եվրոյի չափով»,- ասել է նա RTL ռադիոկայանի եթերում
Նրա խոսքով՝ Ֆրանսիայի տարածքում սառեցվել է մոտ 30 ռուսաստանցիներին պատկանող կես միլիարդ եվրո ընդհանուր արժողությամբ անշարժ գույքը, ինչպես նաև կալանվել է երկու մեծ զբոսանավ ՝ 150 մլն եվրո ընդհանուր արժողությամբ:
Լը Մերը պարզաբանել է, որ անշարժ գույքի սառեցումը չի ենթադրում սեփականության օտարում հօգուտ պետության։ Խոսքն այն մասին է, որ սեփականատերերը չեն կարող այն վերավաճառել կամ օգտագործել շահույթ ստանալու նպատակով։
