08.06.2026 | 12:34
Որ ուժը որքան ձայն է ստացել. ԿԸՀ նախագահը ներկայացնում է նախնական արդյունքները․ ՏԵՍԱՆՅՈՒԹ
Մինչև 80 սմ ձյուն․ ինչ իրավիճակ է Արցախի ճանապարհներին
20.03.2022 | 21:52
Ժամը 21։00-ի դրությամբ Մարտակերտի շրջանի բոլոր համայնքների ճանապարհները բաց են, դժվարանցանելի է բարձր լեռնային գոտիներում: Շրջանում ձյան շերտի բարձրությունը կազմում է 30-40 սմ:
Մարտունու շրջանի միջհամայնքային բոլոր ճանապարհները դժվարանցանելի են: Ձյան շերտն այստեղ կազմում է 60-80 սմ:
Դժվարանցանելի են նաև Ասկերանի շրջանի ճանապարհները: Փակ են Սարուշեն և Մխիթարաշեն գյուղերի ճանապարհները։ Ձյան շերտը շրջանում 40-45 սմ է:
Բոլոր ճանապարհահատվածներում կատարվում են մաքրման և աղցանման աշխատանքներ։
Փակ է ՀՀ հետ կապող միջպետական մայրուղու Գորիս-Սիսիան-«Զանգեր»-Սարավան հատվածը:
Այս պահին Արցախի Հանրապետության բարձր լեռնային շրջաններում տեղում է ձյուն։
ԱՀ ՆԳ նախարարությունը հորդորում է՝ Եղանակային պայմաններից ելնելով՝ երթևեկել միայն խիստ անհրաժեշտության դեպքում։
