16.09.2026 | 19:50
Նիժնի Տապըռի գեղ եք ուզում, որ ոնց ուզեք՝ ձեր «Մայբախ»-ները քշեք. Փաշինյան
Երկրորդ աշխարհամարտից հետո ստեղծված միջազգային ինստիտուտները արժեքային խայտառակ ճգնաժամի մեջ են. Մարուքյան
Քաղաքականություն
19.03.2022 | 23:23
Հատուկ հանձնարարություններով դեսպան Էդմոն Մարուքյանը գրառում է կատարել՝ անդրադառնալով մարտի 18-ին Շուշի քաղաքում կազմակերպված միջոցառմանը Բաքվում ՄԱԿ-ի գրասենյակի պաշտոնյաների մասնակցությանը։
Գրառումն ամբողջությամբ ներկայացնում ենք ստորև․
«Արցախում գազամատակարարման, այսպես կոչված, «ճգնաժամի» և ականանետերով խաղաղ բնակչության վրա կրակելուն զուգահեռ՝ Բաքվում ՄԱԿ-ի գրասենյակի պաշտոնյաները գնացել են Շուշի և ինչ-որ միջոցառման են մասնակցում: ՀՀ արտգործնախարարությունը նշյալ գործողությունը դատապարտող բողոքի նոտա է փոխանցել ՄԱԿ-ի մշտական համակարգողի պաշտոնակատարին, բայց այս իրողությունը խոսում է այն մասին, որ Երկրորդ աշխարհամարտից հետո ստեղծված միջազգային ինստիտուտները արժեքային խայտառակ ճգնաժամի մեջ են:
«Մարդու իրավունքները, ժողովրդավարությունը, մարդը՝ որպես բարձրագույն արժեք, իրավունքի գերակայությունն ու այլ արժեքները մնացել են ետին պլանում: Հին աշխարհակարգը վաղուց իրեն սպառել է, իսկ նորն էլ չի ստեղծվել, երևացող ստեղծվողն էլ շատ ավելի վտանգավոր դրսևորումներ ունի և բոլորովին այլ համակարգ է: Հետևաբար, այս իրավիճակում հայ ժողովրդի միասնական գործելուն այլընտրանք այլևս չկա։
Խելքներս գլուխներս հավաքելու ժամն է»,- գրել է Մարուքյանը:
Հիշեցնենք, որ ավելի վաղ ՀՀ ԱԳՆ-ը բողոքի հայտագիր է ներկայացրել ՄԱԿ Շուշիում կազմակերպված միջոցառման առթիվ։
