17.01.2026 | 17:30
ՆԳՆ-ն թույլ չի տվել իրանցիներին Երևանում երթ անցկացնել. քաղաքապետարանը թույլատրել է, ապա չեղարկել թույլտվությունը
Մարմնամարզիկ Վահագն Դավթյանը՝ աշխարհի գավաթի խաղարկության ոսկե մեդալակիր
19.03.2022 | 22:53
Մարմնամարզիկ Վահագն Դավթյանը ոսկե մեդալ է նվաճել Կահիրեում անցկացվող սպորտային մարմնամարզության աշխարհի գավաթի խաղարկության երրորդ փուլում։ Ինչպես տեղեկացնում են ԿԳՄՍՆ-ից, Դավթյանն օղակների վարժության եզրափակչում հավաքել է 14.800 միավոր և հաղթող ճանաչվել։
Հայաստանի մյուս ներկայացուցիչ Հարություն Մերդինյանն արծաթե մեդալակիր է դարձել նժույգթափերի վարժությունում։
Տոկիոյի Օլիմպիական խաղերի բրոնզե մեդալակիր Արթուր Դավթյանն էլ կմասնակցի հենացատկի, ազատ վարժության և պտտաձողի վարժությունների եզրափակիչներին։
Հայաստանի թիմին աշխարհի գավաթի եզրափակչում աջակցել են հայ համայնքի ներկայացուցիչները՝ Եգիպտոսի Արաբական Հանրապետության արտակարգ և լիազոր դեսպան Հրաչյա Փոլադյանի գլխավորությամբ։
