18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ուկրաինական պատերազմը ցույց է տալիս, որ Պուտինը Թուրքիային ծուղակն է գցել. վերլուծաբան
Քաղաքականություն
18.03.2022 | 23:31
Թուրքիայի արձագանքը Ուկրաինայի պատերազմին ցույց է տալիս, որ ՌԴ նախագահ Վլադիմիր Պուտինին հաջողվել է Անկարային ծուղակը գցել։ Նման կարծիք է հայտնել Ֆրանսիայում Սոցիալական գիտությունների առաջադեմ ուսումնասիրությունների դպրոցի թուրքական, օսմանյան, բալկանյան, ու կենտրոնական Ասիայի կետրոնի տնօրեն Համիտ Բոզարսլանը, գրում է Ահվալ գործակալությունը։
Անկարան մինչ այժմ ձգտել է պահպանել հավասարակշռությունը հակամարտության հարցում՝ պահպանելով լավ հարաբերություններ ինչպես Մոսկվայի, այնպես էլ Կիևի հետ: Սակայն Mezopotamya լրատվական գործակալությանը տված հարցազրույցում Բոզարսլանն ասել է, որ Թուրքիային այլ տարբերակ չի մնացել: Փոխարենը Ռուսաստանի հետ տնտեսական հարաբերությունները և Սիրիայում Մոսկվայի հետ համագործակցությունը Թուրքիային մանևրելու քիչ տեղ և Արևմուտքի հետ հարաբերությունները վերականգնելու քիչ հույսեր են թողել:
Խոսելով Ուկրաինական պատերազմի Թուրքիայի վրա ազդեցության մասին՝ նա ասել է, որ առաջին հերթին Թուրքիան գերի է վերցվել Ռուսաստանի կողմից։
«Դա շատ լավ դրսևորվել է Սիրիայում։ Ռուսաստանը չի ատում քրդերին։ Բայց նրանք դեռ շատ հեշտությամբ կարող էին կորցնել Աֆրինը։ Այն բանից հետո, երբ Թուրքիան 72 օր ռմբակոծեց Աֆրինը և, ի վերջո, այն ամբողջովին վերածեց ջիհադիստների երկրի, իրականացվեց էթնիկ զտում, և Ռուսաստանը ընդհանրապես չարձագանքեց։ Թուրքիան այսօր կախված չէ Ուկրաինայից։ Թուրքիան կարող է հեշտությամբ զոհաբերել Ուկրաինայի հետ հարաբերությունները։ Հիշում ենք, թե ինչպես էին նախկինում զոհաբերվում ույղուր թուրքերը։ Վաղը հավանաբար կլինեն պաղեստինցիները։ Առնվազն Էրդողանի քաղաքականության առումով հիմա նույնպես շատ թանկ կարժենա, եթե Թուրքիան փորձի քայլ անել Ռուսաստանի դեմ՝ տնտեսական ծախսեր, առաջին հերթին: Թուրքիան մեծ կախվածություն ունի բնական գազից ու նավթից։ Նաև՝ Թուրքիայի ներկայությունը Աֆրինում և Իդլիբում հնարավոր է միայն Ռուսաստանի թույլտվությամբ»,-ասել է Բոզարսլանը։
Նա նշել է, որ ՆԱՏՕ-ի ներկա քարտուղարի պաշտոնաթողությունից հետո Թուրքիային կարող են խնդրել ավելի հավատարիմ լինել դաշինքին։
«Թուրքիան ուկրաինական պատերազմի համատեքստում Ռուսաստանի կողմից հատուկ թիրախավորված չի եղել, բայց Պուտինը պատերազմի միջոցով Թուրքիային գցել է ծուղակը։ Ռուսաստանի Թուրքիային ուղղված մեսիջն է՝ դուք չեք կարող բաժանվել ինձանից, դուք չեք կարող մերձենալ Եվրոպային կամ Միացյալ Նահանգներին: Դուք իմ տիրապետության տակ եք»,-հավելել է Բոզարսլանը։
Էմմա Չոբանյան
