16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
300 արտասահմանյան ընկերություն դադարեցրել է աշխատանքը Մոսկվայում․ Սոբյանինը կիսվել է իր մտահոգություններով
Քաղաքականություն
18.03.2022 | 22:15
Մոսկվայում գործող մի քանի հազար արտասահմանյան ընկերություններից շուրջ 300-ը դադարեցրել են գործունեությունը։ Այս մասին հայտարարել է Մոսկվայի քաղաքապետ Սերգեյ Սոբյանինը։
«Մենք հասկանում ենք, որ կարող ենք հանդիպել նոր մարտահրավերների և նոր խնդիրների։ Սա հատկապես վերաբերում է օտարերկրյա մասնակցությամբ ընկերություններին, դրանք բավականին շատ են Մոսկվայում՝ մի քանի հազար, և մոտ 300-ն արդեն այսօր հայտարարել է գործունեությունը դադարեցնելու մասին»,- Սոբյանինի խոսքերն է մեջբերում RT-ն:
Նրա խոսքով՝ այս իրավիճակում իշխանությունների խնդիրն է՝ կրճատվելու դեպքում այնտեղ աշխատող մարդկանց ապահովել աշխատանքով։ Նա ընդգծել է, որ «հիմնականում դրանք լավ որակավորում ունեցող, լավ վարձատրվող աշխատողներ են, որոնք, իհարկե, պահանջված կլինեն Մոսկվայի այլ ձեռնարկություններում»։
Ավելի վաղ VEB.RF-ի նախագահ Իգոր Շուվալովը հայտնել էր, որ Ռուսաստանը նպատակ չունի խլել օտարերկրյա ներդրողների ունեցվածքը։ Նա հավելել է, որ օտարերկրյա կազմակերպությունների ժամանակավոր հեռացումը ռուսական շուկայից քաղաքական դրդապատճառներով որոշում է։
Պետդումայի պատգամավոր Եվգենի Ֆեդորովն էլ առաջարկել էր տասը տարով արգելել արտասահմանյան ընկերությունների աշխատանքը, որոնք ռուսական շուկա չեն վերադառնա մինչև մայիսի 1-ը։
Տաթև Ֆռանգյան
