16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Չավուշօղլուն հայտարարել է, որ Կիևը հանդես է գալիս Թուրքիային անվտանգության երաշխավորների շարքում ներառելու օգտին
Քաղաքականություն
17.03.2022 | 22:35
Ուկրաինան կողմ է Թուրքիային անվտանգության հնարավոր համաձայնագրի երաշխավորների շարքում ներառելուն, իսկ Մոսկվան դրա դեմ չի առարկում։ Այս մասին հայտարարել է Թուրքիայի ԱԳ նախարար Մևլութ Չավուշօղլուն Լվովում Ուկրաինայի ԱԳ նախարար Դմիտրի Կուլեբայի հետ բանակցությունների արդյունքներով, գրում է «Անադոլու» գործակալությունը։
Չավուշօղլուն հայտարարել է, որ Ռուսաստան և Ուկրաինա իր այցերը կրակի դադարեցման հույսերը մեծացրել են։ Նա նշել է, որ Անկարան հենց սկզբից հանդես է եկել սկզբունքային դիրքորոշմամբ ռուս-ուկրաինական ճգնաժամում։
«Այս պատերազմում անհրաժեշտ է որքան հնարավոր է՝ շուտ դադարեցնել արյունահեղությունը։ Թուրքիայի ղեկավարությունը, ի դեմս նախագահ Ռեջեփ Թայիփ Էրդողանի, ակտիվ ջանքեր են գործադրում այդ ուղղությամբ»,- ասել է Չավուշօղլուն։
Նա նշել է, որ Ուկրաինայում ռազմական գործողությունները դադարեցնելու՝ Անկարայի ջանքերը շարունակվում են Բելառուսում սկսված ռուս-ուկրաինական բանակցություններին զուգահեռ։
Չավուշօղլուն նաև ասել է, որ եթե հարթակ ձևավորվի՝ համաձայնության հասնելու համար այն հարցերի շուրջ, որոնք մոտ են համաձայնեցմանը, մեծ է հավանականությունը, որ Ռուսաստանի Դաշնության և Ուկրաինայի առաջնորդներ Վլադիմիր Պուտինը և Վլադիմիր Զելենսկին կհանդիպեն։
Էմմա Չոբանյան
