Քաղաքականություն
22.06.2017 | 10:46
Ֆրանսիայի նախագահ Էմանուել Մակրոնը եվրոպական մի շարք պարբերականների հետ հարցազրույցում հայտարարել է, որ ԱՄՆ նախագահ Դոնալդ Թրամփն իր արտաքին քաղաքական հայեցակարգը դեռևս չի մշակել։ Այս մասին գրում է politoboz.net-ը՝ հղում անելով El Paіs-ին։
«Խնդիրն այն է, որ նա դեռևս չի մշակել արտաքին քաղաքականության հայեցակարգային իր շրջանակները։ Այդ իսկ պատճառով նրա քաղաքականությունը կարող է անկանխատեսելի լինել և աշխարհի համար անհանգստության աղբյուր դառնալ»,- ասել է Ֆրանսիայի նախագահը։
«Ինչ վերաբերվում է ահաբեկչության դեմ պայքարին, նա ունի արդյունավետ լինելու նույնպիսի ցանկություն, ինչպիսին ես։Սակայն ես համամիտ չեմ նրա մի շարք որոշումների հետ, հատկապես՝ կլիմային վերաբերող, բայց հույս ունեմ, որ կկարողանանք այնպես անել, որպեսզի ԱՄՆ-ը կրկին միանա Փարիզյան համաձայնագրին։ Ես ձեռք եմ մեկնում Դոնալդ Թրամփին։ Եվ ցանկանում եմ, որպեսզի նա փոխի կարծիքը, քանի որ ամեն բան փոխկապակցված է։ Նա չի կարող ցանկանալ արդյունավետորեն պայքարել ահաբեկչության դեմ և չստանձնել պարտավորություն կլիմայի հարցում»,- ընդգծել է Ֆրանսիայի նախագահը։
