29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Որոնք են Ուկրաինայի առաջնահերթությունները բանակցություններում. Զելենսկին թվել է դրանք. ՏԵՍԱՆՅՈՒԹ
Քաղաքականություն
17.03.2022 | 09:56
Ուկրաինան Ռուսաստանի հետ բանակցություններում ձգտում է դադարեցնել պատերազմը, անվտանգության երաշխիքներ ստանալ և վերականգնել իր ամբողջականությունը։ Այս մասին իր ամենօրյա ուղերձում հայտարարել է Ուկրաինայի նախագահ Վլադիմիր Զելենսկին։
Նա պատմել է, որ ամեն օր մի շարք բանակցություններ է անցկացնում՝ ՌԴ-ի վրա ճնշումն ուժեղացնելու, ինչպես նաև Ուկրաինայի դիրքորոշումն ամրապնդելու համար։
«Ես ուզում եմ, որ հիմա ինձ լսեն բոլորը՝ Ուկրաինայի բոլոր քաղաքացիները։ Բանակցությունները շարունակվում են։ Բանակցություններում իմ առաջնահերթությունները լիովին պարզ են՝ պատերազմի ավարտ, անվտանգության երաշխիքներ, ինքնիշխանություն, տարածքային ամբողջականության վերականգնում, իրական երաշխիքներ մեր երկրի համար, իրական պաշտպանություն մեր երկրի համար»,- ասել է Զելենսկին։
Հավելենք, որ ավելի վաղ Financial Times-ը, հղում անելով բանակցություններին մասնակցող սեփական 3 աղբյուրների, հայտնել էր, որ Ուկրաինան ու Ռուսաստանը քննարկում են 15 կետից բաղկացած խաղաղության համաձայնագիր, որը պարունակում է Կիևի կողմից հայտարարություն ՆԱՏՕ-ին չանդամակցելու վերաբերյալ՝ դաշնակիցների կողմից անվտանգության երաշխիքների և Ուկրաինայից ռուսական զորքերի դուրսբերման դիմաց, որոնք երկիր են մտել փետրվարի 24-ից։
Մանրամասները՝ տեսանյութում։
Տաթև Ֆռանգյան
