10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Wildberries-ի խափանումների մի մասը վերացվել է, բայց որոշ խնդիրներ մնում են
Հասարակություն
16.03.2022 | 22:05
Առցանց առևտրի կազմակերպման Wildberries հարթակի կայքն ու հավելվածը մարտի 14-ից խափանումներով էին աշխատում։ Թեև կայքի գլխավոր էջը գործում էր, սակայն օգտատերերի անձնական հաշիվներում պատվերների դաշտը դատարկ էր ցուցադրվում, խնդիրներ կային նաև վճարային քարտերի կառավարման հատվածում։ Wildberries-ն այսօր հաղորդագրություն է տարածել այն մասին, որ տեխնիկական մասնագետները վերացրել են բջջային հավելվածի և կայքի աշխատանքի խափանումների ավելի քան 90 տոկոսը։
Ընկերությունից հայտնում են՝ շուտով խափանումներն ամբողջությամբ կվերացվեն․
«Wildberries-ում էջեր կան, որ արդեն կարգավորվել են, այսինքն՝ օգտատերերի էջերը կան, էջում օգտատիրոջ անունը երևում է, սակայն պատվերների դաշտը դեռևս դատարկ է»,- Factor.am-ի հետ զրույցում ասաց «Բիզնեսը Wildberries-ում» ընկերության համահիմնադիր Արմեն Սարգսյանը։
Wildberries ընկերությունը Հայաստանի ամբողջ տարածքում ավելի քան 500 մասնաճյուղ ունի։ Մենք արձանագրել ենք, որ պատվեր կատարած քաղաքացիների մի մասը այսօր կարողանում էր Wildberries-ի հանձնման կետերերից հեռախոսահամարի վերջին 4 նիշով ստանալ պատվերները, մյուս մասն էլ հանձնման կետերից ձեռնունայն էր հեռանում․
«Պատվերներս տեղ չեն հասնում, սպասում եմ», «Հաճախ եմ օգտվում Wildberries-ից և մտավախություն ունեմ, որ կատարած պատվերներս տեղ չեն հասնի»,- նման պատասխաններ տվեցին Wildberries-ի մասնաճյուղ այցելած քաղաքացիները։
Wildberries-ի կողմից տրամադրված Downdetector-ի տվյալների համաձայն՝ մարտի 16-ի առավոտվա դրությամբ, մարտի 14-ի համեմատ, հավելվածների և կայքի աշխատանքում խափանումների թիվը նվազել է 16 անգամ։ Օգտատերերի նշած ամենատարածված խնդիրներն են եղել պատվերին հետևելը, հավելվածի և կայքի աշխատանքը։
Մարտի 14-ին Wildberries-ը ներքին հետաքննություն է սկսել կայքի և հավելվածների խափանումների պատճառը բացահայտելու համար։
Wildberries-ը հայտնել է, որ հանձնման կետերի կամ առաքման ծառայության միջոցով պատշաճ որակի ապրանքների վերադարձի վերջնաժամկետը երկարացվել է, հանձնման կետերում ապրանքների պահման ժամկետը՝ ավելացվել: Պատվերները հնարավոր է ստանալ ինչպես ծածկագրերով, այնպես էլ անձը հաստատող փաստաթուղթ ներկայացնելով։
Արփի Հակոբյան
