21.08.2026 | 15:19
«Մարտին սթար»-ի վանիլային պաղպաղակի արտադրության կասեցումը վերացվել է
Ռուսաստանից հեռացող ընկերություններում շուրջ 200 հազար մարդ է աշխատում
Քաղաքականություն
16.03.2022 | 23:16
Միջազգային ընկերությունները, որոնք Ուկրաինայում պատերազմի պատճառով հայտարարել են Ռուսաստանում գործունեությունը դադարեցնելու մասին, աշխատանքով էին ապահովում Ռուսաստանի Դաշնության շուրջ 200,000 քաղաքացու, գրում է Forbes-ը։
Օտարերկրյա խոշորագույն գործատուն, որը հայտարարել է Ռուսաստանում բիզնեսի մասնակի դադարեցման մասին, McDonalds-ն է։ Ամբողջ Ռուսաստանում արագ սննդի ռեստորանների ցանցում աշխատում է 62,000 մարդ։ Եվս 19 հազար ռուսաստանցիներ աշխատում են Pepsico-ում, 15 հազարը՝ IKEA-ում, 14,5 հազարը՝ Yum!Brands-ում (սեփականատերը՝ KFC), 8,8 հազարը՝ Inditex-ում (հագուստի խանութներ Zara, Pull & Bear, Massimo Dutti, Bershka, Stradivarius, Oysho և այլն)։
Forbes-ի հաշվարկների համաձայն՝ 5,751 ռուսաստանցի աշխատում է գերմանական Volkswagen ավտոկոնցեռնում, իսկ 5,539-ը՝ Adidas-ում։
Ուկրաինա ռուսական ներխուժման ֆոնին տարբեր ոլորտներում գործող տասնյակ օտարերկրյա ընկերություններ հայտարարել են Ռուսաստանում բիզնեսը դադարեցնելու մասին։ Ըստ Forbes-ի՝ հաճախ խոսքը վաճառքի, առաքումների և հաճախորդների սպասարկման դադարեցման մասին է։ Միաժամանակ, այդ ընկերությունների ռուսաստանցի աշխատակիցները շարունակում են գոնե մասամբ աշխատավարձ ստանալ։
Տաթև Ֆռանգյան
