15.01.2025 | 20:42
Լեհաստանը նախատեսում է ԵՄ-ում իր նախագահության ընթացքում արագացնել կառույցին Ուկրաինայի անդամակցության գործընթացը
Լեհաստանի փոխվարչապետը կոչ է արել միջազգային խաղաղապահ առաքելություն ուղարկել Ուկրաինա
Քաղաքականություն
16.03.2022 | 13:58
Լեհաստանի փոխվարչապետ Յարոսլավ Կաչինսկին կոչ է արել միջազգային խաղաղապահ առաքելություն ուղարկել Ուկրաինա։ Այս մասին նա հայտարարել է նախօրեին Կիևում Լեհաստանի, Սլովենիայի, Չեխիայի և Ուկրաինայի ղեկավարների հանդիպումից հետո, հայտնում է CNN-ը։
«Կարծում եմ, որ անհրաժեշտ է ՆԱՏՕ-ի խաղաղապահ առաքելություն կամ ավելի լայն միջազգային պայմանագրային առաքելություն տեղակայել Ուկրաինայում, որը կկարողանա պաշտպանել իրեն և կգործի Ուկրաինայում։ Ես կցանկանայի դիմել եվրոպացի առաջնորդների խղճին, նրանց հռչակած սկզբունքներին, քանի որ Ուկրաինան օգնության կարիք ունի»,- ասել է Կաչինսկին, հաղորդում է Լեհաստանի վարչապետի գրասենյակը։
Նշենք, որ այսօր էլ ՆԱՏՕ-ի անդամ երկրների պաշտպանության նախարարները կհանդիպեն Բրյուսելում։
Չորեքշաբթի Բելգիայի մայրաքաղաքում գտնվող ՆԱՏՕ-ի կենտրոնակայան ժամանելիս Մեծ Բրիտանիայի պաշտպանության նախարար Բեն Ուոլեսը հայտարարել է, որ մինչ խաղաղապահ ուժերի վերաբերյալ որոշում կայացնելը՝ պետք է մանրամասն ուսումնասիրել այս հարցը։
«Մենք պետք է շարունակենք գործողություններով ցույց տալ մեր աջակցությունը Ուկրաինային և նրա ազատությանը, և ոչ միայն խոսքով»,- նշել է բրիտանացի պաշտոոնյան:
Տաթև Ֆռանգյան
