18.05.2026 | 22:19
Վրաստանն ու Ադրբեջանը էներգետիկայի և տրանսպորտի ոլորտներում համաձայնագրեր են ստորագրել
Էրդողանը հայտարարել է, որ պարզ չէ՝ արդյոք Թուրքիան ՌԴ-ից ավելի շատ զենք կգնի՝ հաշվի առնելով Ուկրաինական հակամարտությունը
Քաղաքականություն
15.03.2022 | 23:16
Թուրքիայի նախագահ Ռեջեփ Թայիփ Էրդողանը հայտարարել է, որ չափազանց վաղ է խոսել Թուրքիայի կողմից ավելի շատ ռուսական զենք գնելու մասին՝ հաշվի առնելով ՌԴ-ի ներխուժումն Ուկրաինա, գրում է Duvar-ը։
Անկարայում Գերմանիայի կանցլեր Օլաֆ Շոլցի հետ ճեպազրույցում Էրդողանն ասել է, որ Թուրքիան շարունակում է մարդասիրական օգնություն տրամադրել Կիևին։
«Մենք ավելի քան 50 բեռնատար ենք ուղարկել Ուկրաինա և շարունակում ենք ուղարկել»,- ասել է Էրդողանը։
«Ներկա պայմաններում վաղաժամ կլիներ խոսել այն մասին, թե ինչ է ցույց տալիս ապագան։ Մենք պետք է տեսնենք՝ ինչպիսին կլինեն պայմանները։ Մենք պետք է պահպանենք մեր բարեկամությունը պարոն Զելենսկիի և պարոն Պուտինի հետ»,- հավելել է նա։
Թուրքիան բանակցություններ է վարում Ռուսաստանի հետ С-400-ների երկրորդ խմբաքանակի ձեռքբերման շուրջ, սակայն Անկարան հայտարարել է, որ քննարկումները դեռ շարունակվում են: Վաշինգտոնը նախազգուշացրել է ՆԱՏՕ-ի իր դաշնակցին Ռուսաստանից նոր զենք գնելու հետևանքների մասին:
Էմմա Չոբանյան
