29.04.2024 | 13:13
Մարտի 1-ով 3 անձի վերաբերյալ ուզում ենք արարքը բերել պաշտոնեական հանցագործությունների տիրույթ․ ՏԵՍԱՆՅՈՒԹ
Պուտինն ու Միշելը քննարկել են Ուկրաինայի շուրջ իրավիճակը
Քաղաքականություն
15.03.2022 | 23:04
ՌԴ նախագահ Վլադիմիր Պուտինը հեռախոսազրույց է ունեցել Եվրոպական խորհրդի նախագահ Շառլ Միշելի հետ, որի ընթացքում կողմերը քննարկել են Ուկրաինայում ստեղծված իրավիճակը։ Այս մասին տեղեկանում ենք Կրեմլի պաշտոնական կայքից։
Նշվում է, որ Պուտինը ներկայացրել է Ռուսաստանի և Ուկրաինայի ներկայացուցիչների բանակցությունների սկզբունքային գնահատականները։ Նա ասել է, թե «Կիևը լուրջ տրամադրվածություն չի դրսևորում խնդրի փոխընդունելի հանգուցալուծման որոնման առնչությամբ»։
Ըստ հաղորդագրության՝ անդրադարձ է եղել նաև հումանիտար ասպեկտների շուրջ ստեղծված իրադրությանը։
Հեռախոսազրույցին թվիթերյան գրառմամբ անդրադարձել է նաև Շառլ Միշելը։ Ըստ նրա՝ Պուտինի հետ զրույցում ինքը ևս մեկ անգամ ընդգծել է Ուկրաինայի դեմ ՌԴ-ի պատերազմը դադարեցնելու հրատապ անհրաժեշտությունը։
«Եվրամիությունը միասնական է՝ դատապարտելու Ռուսաստանի ագրեսիան՝ պատասխանելով հզոր պատժամիջոցներով և հետագա աջակցություն ցուցաբերելով Ուկրաինային»,- գրել է ԵՄ Խորհրդի նախագահը։
