21.08.2026 | 14:24
Պարո՛ն Ղազարյան, ճիշտ դիրք ունեք․ երբ ես խոսում եմ, Ձեր գլուխը պիտի կախ լինի․ Վիլեն Գաբրիելյան․ ՏԵՍԱՆՅՈՒԹ
ՌԴ-ն պատժամիջոցներ է սահմանել Բայդենի, Բլինքենի և այլ ամերիկացի պաշտոնյաների նկատմամբ
Քաղաքականություն
15.03.2022 | 21:57
Մոսկվան, ի պատասխան Վաշինգտոնի պատժամիջոցների, արգելել է ԱՄՆ նախագահ Ջո Բայդենին ու ևս 12 ամերիկացի պաշտոնյաների մուտքը Ռուսաստան։ Այս մասին ասվում է ՌԴ ԱԳՆ հաղորդագրության մեջ, գրում է ՏԱՍՍ-ը։
«Ի պատասխան մի շարք աննախադեպ պատժամիջոցների, որոնք, ի թիվս այլ բաների, արգելում են Ռուսաստանի Դաշնության բարձրաստիճան պաշտոնյաների մուտքը Միացյալ Նահանգներ, մարտի 15-ից փոխադարձ հիմունքներով ռուսական ցուցակում ներառվում են ԱՄՆ նախագահ Ջո Բայդենը, պետքարտուղար Էնթոնի Բլինքենը, պաշտպանության նախարար Լլոյդ Օսթինը և շտաբերի պետերի միացյալ կոմիտեի նախագահ Մարկ Միլին, ինչպես նաև մի շարք գերատեսչությունների ղեկավարներ և Ամերիկայի հայտնի գործիչներ»,- ասվում հայտարարության մեջ։
Ռուսական պատժամիջոցային ցուցակում են նաև ԱՄՆ նախագահի ազգային անվտանգության հարցերով խորհրդական Ջեյք Սալիվանը, Սպիտակ տան մամուլի խոսնակ Ջեն Փսակին, ԱՄՆ նախկին պետքարտուղար Հիլարի Քլինթոնը և այլ գործիչներ։
Էմմա Չոբանյան
