09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ուկրաինայում պատերազմի ընթացքում վիրավորվել է 35, զոհվել` 3 լրագրող
Քաղաքականություն
15.03.2022 | 22:57
Ուկրաինայում ռուսական ներխուժման առաջին օրից ռազմական գործողությունների ընթացքում վիրավորվել է առնվազն 35 լրագրող։ Այս մասին մարտի 15-ին հայտնել է Ուկրաինայի Գերագույն ռադայի մարդու իրավունքների հանձնակատար Լյուդմիլա Դենիսովան, գրում է Korrespondent-ը։
Նա, միաժամանակ, նշել է, որ զոհվել է 3 լրագրող։ Նրանց թվում են ուկրաինացի ռազմական թղթակից Վիկտոր Դուդարը (զոհվել է Նիկոլաևի մոտ մարտերի ժամանակ), ուկրաինական Live հեռուստաալիքի օպերատոր Եվգենի Սաքունը (զոհվել է Կիևում հրթիռակոծության ժամանակ) և ամերիկացի վավերագրող լրագրող Բրենթ Ռենոն (զոհվել է Իրպենի անցակետում):
Դենիսովան նշել է, որ հակառակորդի թիրախավորված գնդակոծությունից բազմաթիվ լրագրողներ են տուժել։
Բացի այդ, ռուսական զորքերը գնդակոծում են հեռուստատեսային ենթակառուցվածքի օբյեկտները: Տեղեկացվում է, որ ՌԴ-ն փորձել է ոչնչացնել Կիևի, Լուցկի, Ռովնոյի հեռուստաաշտարակները, գրավել ժամանակավորապես իր վերահսկողության տակ անցած քաղաքների հեռուստաաշտարակները և հեռուստաստուդիաները։
Տաթև Ֆռանգյան
