17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ներկայացվել են 2021թ. իրավապահ համակարգում, արդարադատության ոլորտում, օրենքի գերակայության հարցում, կոռուպցիայի դեմ պայքարում կատարված աշխատանքները
Հասարակություն
15.03.2022 | 17:39
Մարտի 15-ին Վլադիմիր Վարդանյանի նախագահությամբ կայացած ՀՀ ԱԺ պետական իրավական հարցերի մշտական հանձնաժողովի նիստում քննարկվել է ՀՀ կառավարության 2022թ. փետրվարի 28-ի «ՀՀ կառավարության ծրագրի (2021-2026 թթ.) 2021 թվականի կատարման ընթացքի եւ արդյունքների զեկույցի մասին» N 234-Ա որոշմամբ հավանության արժանացած զեկույցը․ տեղեկացնում են ՀՀ ԱԺ-ից։
ՀՀ արդարադատության նախարար Կարեն Անդրեասյանը, ներկայացնելով հաշվետու ժամանակահատվածում իրավապահ համակարգում, արդարադատության ոլորտում, օրենքի գերակայության հարցում, կոռուպցիայի դեմ պայքարում կատարված աշխատանքները, նշել է, որ 2021թ. կարեւոր ուղղություն է եղել սահմանադրական բարեփոխումների մեկնարկը, որի համար կատարվել են որոշակի աշխատանքներ:
Նախորդ տարում շարունակվել է հակակոռուպցիոն եւ կոռուպցիայի դեմ պայքարի ինստիտուցիոնալ համակարգերի ստեղծմանն ու զարգացմանն ուղղված անհրաժեշտ աշխատանքների իրականացումը: Նախարարի խոսքով` հակակոռուպցիոն ինստիտուցիոնալ համակարգի ամբողջականացման նպատակով ստեղծվել է հակակոռուպցիոն կոմիտեն, մեկնարկել է հակակոռուպցիոն դատարանի դատավորների նշանակման գործընթացը:
Կոռուպցիայի կանխարգելման հանձնաժողովում ավելացել է հայտատուների ներկայացրած հայտարարագրերի քանակը: Հաշվետու ժամանակահատվածում այդ ուղղությամբ կատարվել են մեծածավալ աշխատանքներ:
Դատական համակարգում ավելացել է դատավորների թվակազմը, որոշ դատարաններում ավելացել են նաեւ աշխատավարձերն ու սոցիալական երաշխիքները:
2021թ. Կառավարության համար կարեւորագույն բարեփոխումներից մեկը Պարեկային ծառայության հիմնադրումն է եղել: Հաջողությամբ գործարկվել է Երեւան քաղաքի գունդը:
2021թ. արդյունքներով Հարկադիր կատարումն ապահովող ծառայության կողմից գանձված կատարողական ծախսերն առաջին անգամ ավելի քան 650 մլն դրամով գերազանցել են ծառայության պահպանության համար պետական բյուջեով նախատեսված ծախսերը:
Քրեակատարողական ծառայությունում փակվել են երկու քրեակատարողական հիմնարկ` որպես օպտիմալիզիացիայի կարեւոր քայլ: Կարեն Անդրեասյանն ընդգծել է, որ մեծ աշխատանքեր են տարվում նոր քրեակատարողական հաստատության շինարարության համար, ինչից հետո կփակվի Երեւանի քաղաքի չորս քրեակատարողական հիմնարկ:
Հանձնաժողովը զեկույցն ընդունել է ի գիտություն:
