Տեսանյութեր
15.03.2022 | 17:01«Խուճապ տարածող տեղեկություններ են դրանք, այս պահին հստակ տեղեկություն չկա»,- խորհրդարանում լրագրողների հետ ճեպազրույցում նշեց ՀՀ ԱԱԾ փոխտնօրեն Տիգրան Հարությունյանը՝ անդրադառնալով սոցցանցերում տարածվող՝ ՀՀ-ին և Արցախին սպառնացող վտանգների, սադրանքների մասին տեղեկություններին:
Հարցին ի պատասխան, թե ռազմական գործությունների վերաբերյալ տեղեկություն կա՞, նոր պատերազմի վտանգ կա՞, Հարությունյանը բացասական պատասխան տվեց և պնդեց, որ նման տեղեկությունները հիմնավոր չեն, խուճապ տարածելու նպատակ ունեն։
«Պատերազմ միշտ հնարավոր է, սակայն այս պահի դրությամբ չունենք տեղեկություններ, որ մոտ ժամանակներս պետք է պատերազմ սկսվի»,-հավելեց Տիգրան Հարությունյանը։
Ինչ վերաբերում է «անպիտան հրթիռների» գործով մեղադրյալներից Դավիթ Գալստյանի՝ կալանքիցազատ արձակմանը, Տիգրան Հարությունյանը նշեց, որ գրավից բացի՝ նա փոխհատուցել է նաև պետությանը պատճառած վնասը: «Իսկ հետևանքները կորոշի դատարանը»,- նշեց ԱԱԾ փոխտնօրենը:
Մանրամասները՝ տեսանյութում:
