29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ուկրաինայի Մարիուպոլ քաղաքում շուրջ 350․000 մարդ շարունակում է արգելափակված մնալ
Քաղաքականություն
15.03.2022 | 16:28
Ուկրաինական Մարիուպոլում շուրջ 350․000 մարդ շարունակում է մնալ արգելափակված, քաղաքը մարտի 1-ից պաշարված է ռուսական զորքերի կողմից։ Այս մասին ասել է Մարիուպոլի քաղաքապետի խորհրդական Պետրո Անդրյուշչենկոն, փոխանցում է CNN-ը։
«Հաշվի առնելով, որ քաղաքում 540․000 բնակիչ կա, իսկ 150․000 մարդ տարհանվել է առաջին երեք օրերի ընթացքում, երբ հնարավոր էր, մենք գնահատում ենք, որ մոտ 350․000 մարդ մնացել է Մարիուպոլում»,- ասել է Անդրյուշչենկոն:
Անվտանգ միջանցքներ ստեղծելու և Մարիուպոլից խաղաղ բնակիչներին տարհանելու բազմաթիվ պաշտոնական փորձերը վերջին օրերին ձախողվել են։ Ըստ ուկրաինական կողմի՝ մարդասիրական օգնության մեծ շարասյունը, որը պետք է հասներ կիրակի, դեռևս քաղաք չի հասել։
«Մարդկանց մեծ մասն անմարդկային պայմաններում է՝ նկուղներում, կացարաններում, առանց սննդի, ջրի, էլեկտրականության և ջեռուցման»,- ասել է Անդրյուշչենկոն:
Խոսելով քաղաքացիական անձանց շրջանում զոհերի մասին՝ նա նշել է, որ ոստիկանությունից ստացված և բժշկական հաստատությունների կողմից կազմված թվերը, հավանաբար, ճշգրիտ չեն: Նա ասել է, որ կիրակի օրվա դրությամբ՝ հաստատվել է 1800 զոհ։
Էմմա Չոբանյան
