21.08.2026 | 16:35
«Մի՛ գոռա, հանգի՛ստ նստիր տեղդ». վեճ՝ Զառիթափում հանրային քննարկումների ժամանակ․ ՏԵՍԱՆՅՈՒԹ
Դատախազությունը Նավալնիի համար 13 տարվա ազատազրկում է պահանջել
Քաղաքականություն
15.03.2022 | 15:02
ՌԴ Պոկրովսկայա գաղութում Մոսկվայի Լեֆորտովոյի դատարանի արտագնա նիստում պետական մեղադրողը պահանջել է 13 տարվա ազատազրկման դատապարտել ռուսաստանցի ընդդիմադիր գործիչ Ալեքսեյ Նավալնիին՝ խարդախության և դատարանին վիրավորելու մեղադրանքով, գրում է DW-ի ռուսական ծառայությունը:
«Վերջնականորեն խնդրում եմ Նավալնիին դատապարտել 13 տարվա ազատազրկման՝ երկու տարի ժամկետով ազատության սահմանափակմամբ»,- ասել է դատախազ Նադեժդա Տիխոնովան։
Բացի այդ, Դատախազությունը հորդորել է Նավալնիի համար լրացուցիչ տուգանք սահմանել 1 մլն 200 հազար ռուբլու չափով։
Դատախազը դատարանին խնդրել է նաև հաշվի առնել Նավալնիի կատարած արարքի «հանրային վտանգը», ինչպես նաև տեղեկությունները նրա անձի, առողջական վիճակի և ընտանեկան դրության մասին։ Իր ելույթում Տիխոնովան ասել է, որ քաղաքական գործիչը կատարել է իրեն վերագրվող հանցագործությունները՝ «համակված լինելով սեփական բացառիկության զգացումով»։
