09.02.2026 | 14:02
Ալեն Սիմոնյանին նամակ ենք գրել դեկտեմբերին, պատասխան չենք ստացել. անհետ կորածի հարազատ․ ՏԵՍԱՆՅՈՒԹ
ՌԴ և Իրանի ԱԳ նախարարները վաղը կքննարկեն միջուկային պայմանագրի և Ուկրաինայի հարցերը
Քաղաքականություն
14.03.2022 | 21:25
Ռուսաստանի ԱԳ նախարար Սերգեյ Լավրովը մարտի 15-ին Մոսկվայում բանակցություններ կանցկացնի Իրանի ԱԳ նախարար Հոսեյն Ամիր Աբդոլահիանի հետ: Այս մասին տեղեկացնում է ՌԴ ԱԳՆ-ն:
Նշվում է, որ կողմերը քննարկելու են Իրանի միջուկային ծրագրի շուրջ գործողությունների համատեղ համապարփակ ծրագրի հետ կապված իրավիճակը և Ուկրաինայում զարգացումները:
«Նախարարները հատուկ ուշադրություն կդարձնեն իրանական միջուկային ծրագրի հետ կապված գործողությունների համատեղ համապարփակ ծրագրի շուրջ ստեղծված իրավիճակին՝ Վիեննայում ավարտին հասած բանակցային գործընթացի համատեքստում: Ուկրաինայում տիրող իրավիճակին անդրադարձ կկատարվի Ռուսաստանի Դաշնության զինված ուժերի հատուկ ռազմական գործողությունների համատեքստում։ Զրույցի ընթացքում ԱԳՆ ղեկավարները մտքեր կփոխանակեն նաև այլ արդիական հարցերի շուրջ, կքննարկեն իրավիճակը Կասպից ծովում, Աֆղանստանում, Անդրկովկասում, Պարսից ծոցի գոտում, Եմենում»,- ասված է հաղորդագրության մեջ:
