29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Հայաստանում նոր քրեակատարողական հիմնարկ կկառուցվի
Հասարակություն
14.03.2022 | 19:23
Վերջին շրջանում քրեակատարողական հիմնարկների հետ կապված մեծածավալ աշխատանք է կատարվել։ Այս մասին այսօր խորհրդարանում հայտնեց արդարադատության նախարար Կարեն Անդրեասյանը։
«Կատարվել են օպտիմալացման աշխատանքներ, ինչի արդյունքում խնայվել են միլիարդավոր դրամներ: Նախկինում գործող 12 քրեակատարողական հիմնարկներից այժմ գործում են 10-ը, փակվել են Կոշի եւ Հրազդանի ՔԿՀ-ները: Նախատեսված է փակել անմխիթար վիճակում գտնվող ևս մի քանի ՔԿՀ-ներ»,- ասաց նախարարը։
Նրա տեղեկացմամբ՝ դրանց փոխարեն բացվելու է նոր ՔԿՀ։
«Քրեակատարողական հիմնարկի վերանորոգումն ուղղակի միջոցների վատնում կլինի, դրա փոխարեն պետք է արագ տեմպերով կառուցենք նոր քրեակատարողական հիմնարկ, որը կունենա բոլոր անհրաժեշտ բաժինները, նաև՝ մեծ հիվանդանոց: Այսինքն, նույն համալիրում կունենանք և՛ բուժհաստատություն, և՛ պահման բոլոր ռեժիմները»,- մանրամասնեց Կարեն Անդրեասյանը։
Այս նպատակով Արդարադատության նախարարությունը ԵՄ-ի հետ սկսել է մոդելավորման աշխատանքները: Նոր քրեակատարողական հիմնարկի կառուցման համար հողատարածք է հատկացվել «Էրեբունի» ՔԿՀ-ի մերձակայքում:
Մերի Մարտիրոսյան
