24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Սկսվել է Մարիուպոլից քաղաքացիական բնակչության տարհանումը
Քաղաքականություն
14.03.2022 | 18:50
Այսօր Մարիուպոլում խաղաղ բնակիչների տարհանման «կանաչ միջանցքը» վերջապես սկսել է հաջողությամբ գործել։
Մարիուպոլի քաղաքապետի խորհրդական Պյոտր Անդրյուշչենկոյի խոսքով՝ ավելի քան 50 մասնավոր մեքենաներ արդեն կարողացել են լքել քաղաքը, գրում է BBC-ի ռուսական ծառայությունը։
«Ժամը 13։00-ի դրությամբ՝ մենք փաստացի հաստատում ունենք Մարիուպոլից մասնավոր տրանսպորտային միջոցների համար մարդասիրական միջանցքի ուղղությամբ լռության ռեժիմի փաստացի պահպանման մասին։ Ներկայում անցակետերով անցումը խնդիրներ չի առաջացնում»,- ասել է Անդրյուշչենկոն։
Նա ընդգծել է, որ տեղի իշխանությունները չեն կարող պաշտոնապես երաշխավորել անվտանգությունն այս միջանցքի ուղղությամբ։
«Բայց սա միակ միջանցքն է, որն ունի պաշտոնական հաստատում և փաստացի գործում է այսօր»,- հավելել է պաշտոնյան։
Վերջին մի քանի օրվա ընթացքում Մարիուպոլը փաստացի արգելափակված է եղել ինչպես տարհանման, այնպես էլ մարդասիրական բեռների համար։
Տաթև Ֆռանգյան
