21.08.2026 | 17:40
Դավիթաշենում գործող «Ծիրան մարկետի» պահեստի շահագործումը կասեցվել է և կապարակնքվել
Ղրղզստանում ժամանակավորապես արգելել են հանրահավաքներն ու ցույցերը ՌԴ դեսպանատան դիմաց
Քաղաքականություն
14.03.2022 | 20:11
Ղրղզստանի իշխանությունները ժամանակավորապես արգելել են հանրահավաքներն ու ցույցերը մայրաքաղաքում կառավարության շենքերի, ինչպես նաև Ռուսաստանի դեսպանատան մոտ։ EADaily-ի փոխանցմամբ՝ այս մասին հայտնել է Ղրղզստանի Գերագույն դատարանի մամուլի ծառայությունը։
«Մայրաքաղաքի Պերվոմայսկի շրջանի դատարանը ժամանակավոր արգելել է հանրահավաքների անցկացումը Ժոգորկու Քենեշի (Գերագույն խորհուրդ), Կառավարության, ՌԴ դեսպանատան շենքերի մոտ և Ալա-Տու հրապարակում (Բիշքեկի կենտրոնական հրապարակ)»,- հաղորդել է մամուլի ծառայությունը։
Արգելքը կգործի մինչև այս տարվա ապրիլի 11-ը։ Նշվում է, որ բողոքի ցույցեր ներկայում թույլատրվում են միայն մայրաքաղաքի կենտրոնում գտնվող Գորկու հրապարակի մոտ։
Հավելենք, որ Ուկրաինայի տարածքում ռուսական ռազմական գործողությունների մեկնարկից հետո Բիշքեկում մի քանի հավաքներ են անցկացրել ինչպես ՌԴ կողմնակիցները, այնպես էլ հակառակորդները։
Տաթև Ֆռանգյան
