01.11.2024 | 16:29
Բրնձի առանձին տեսակների նկատմամբ սահմանվել է սակագնային քվոտա
Գերմանիայում գործադուլ են հայտարարել օդանավակայանի անվտանգության աշխատակիցները
Քաղաքականություն
14.03.2022 | 22:27
Այսօր Գերմանիայի մի քանի օդանավակայանների ուղևորների անվտանգության ծառայությունների աշխատակիցները Ver.di արհմիության կոչով գործադուլ են հայտարարել։ Դրա հետևանքով ամբողջ երկրում չվերթները չեղարկվել կամ հետաձգվել են, գրում է DW-ն։
Արհմիության ներկայացուցչի խոսքով՝ Քյոլնի օդանավակայանում կեսգիշերն անց բոլոր աշխատակիցները գործադուլ են հայտարարել։
Մարտի 14-ի վաղ առավոտից գործադուլին միացել են նաև Դյուսելդորֆի, Բեռլինի, Բրեմենի, Հանովերի և Լայպցիգի օդանավակայանների ուղևորների ստուգումն իրականացնող անձնակազմը։
Գործադուլը Ver.di-ի և Օդային ճանապարհորդության անվտանգության ձեռնարկությունների դաշնային ասոցիացիայի (BDLS) միջև սակագնային կոնֆլիկտի հետևանք է: Ver.di արհմիությունն այս վեճում ներկայացնում է ոլորտի շուրջ 25․000 մասնագետների։ Մինչ օրս բանակցությունների երեք փուլերն ավարտվել են անարդյունք։ Արհմիությունը պահանջում է տասներկու ամսվա ընթացքում արդյունաբերության աշխատողների աշխատավարձի բարձրացում՝ ժամում առնվազն մեկ եվրոյով։ Սպասվում է, որ երկու կողմերը ևս մեկ հանդիպում կանցկացնեն Բեռլինում մարտի 16-ին և 17-ին։
Տաթև Ֆռանգյան
