21.08.2026 | 15:19
«Մարտին սթար»-ի վանիլային պաղպաղակի արտադրության կասեցումը վերացվել է
Լարվածությունն ու բռնությունը Լեռնային Ղարաբաղի շուրջ աճում են․ Քերի Քավանո
Քաղաքականություն
12.03.2022 | 18:57
Լարվածությունն ու բռնությունը Լեռնային Ղարաբաղի շուրջ աճում են, քանի որ աշխարհի ուշադրությունը կենտրոնացած է Ուկրաինայում անասելի սարսափի վրա։ Այս մասին գրել է ԵԱՀԿ Մինսկի խմբի ամերիկացի նախկին համանախագահ Քերի Քավանոն:
«Հրադադարի խախտման դեպքերն ավելանում են, գումարած գազատարը, որը տաքացնում է տարածաշրջանը, վերջերս վնասվել է․ այստեղ տեղակայված է 1960 ռուս խաղաղապահ»,- գրել է Քավանոն։
Սույն թվականի մարտի 7-ի լույս 8-ի գիշերը Հայաստանի Հանրապետությունից Արցախ մտնող գազատար խողովակաշարի վնասման հետևանքով Արցախի Հանրապետությունում դադարեցվել է գազամատակարարումը։
Գազատարի վնասված հատվածը գտնվում է ադրբեջանական զինված ուժերի վերահսկողության տակ։ Ադրբեջանական կողմը խոչընդոտում է գազատարի վերանորոգման աշխատանքներ սկսելուն։
Tensions & violence around Nagorno-#Karabakh inching up, as world’s focus is centered on unspeakable horror in #Ukraine. Ceasefire violations increasing, plus gas pipeline that provides heat to the region was recently damaged. 1,960 Russian peacekeepers are deployed here. #Peace pic.twitter.com/1lluHoVkv0
— Carey Cavanaugh (@carey_cavanaugh) March 12, 2022
