09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԵՄ-ն լիովին աջակցում է Հայաստանի և Թուրքիայի միջև հարաբերությունների կարգավորման գործընթացին․ Կլաար
Քաղաքականություն
12.03.2022 | 17:51
Եվրամիությունը լիովին աջակցում է Հայաստանի և Թուրքիայի միջև հարաբերությունների կարգավորման գործընթացին, «Թվիթեր»-ի իր էջում գրել է Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը:
«Խոստումնալից է Անթալիայի դիվանագիտական ֆորումի շրջանակում Արարատ Միրզոյանի և Մևլութ Չավուշօղլուի հանդիպումը: Եվրամիությունը լիովին աջակցում է Թուրքիայի և Հայաստանի միջև հարաբերությունների կարգավորմանը»,- գրել է նա:
Հիշեցնենք, որ այսօր՝ մարտի 12-ին, Անթալիայի դիվանագիտական ֆորումի շրջանակներում տեղի է ունեցել ՀՀ ԱԳ նախարար Արարատ Միրզոյանի և Թուրքիայի ԱԳ նախարար Մևլյութ Չավուշօղլուի հանդիպումը։
Ինչպես փոխանցում են ՀՀ ԱԳՆ-ից, արտգործանախարարները վերահաստատել են իրենց պատրաստակամությունը՝ իրականացնելու Հայաստանի և Թուրքիայի միջև հարաբերությունների լիարժեք կարգավորմանն ու բարիդրացիական հարաբերությունների հաստատմանն ուղղված գործընթացն առանց նախապայմանների։ Նրանք համակարծիք էին, որ կարգավորումն անհրաժեշտ է ողջ տարածաշրջանի համար։
Promising meeting of @MevlutCavusoglu and @AraratMirzoyan at #AntalyaDiplomacyForum. The 🇪🇺 fully supports normalisation of relations between 🇹🇷 and 🇦🇲.
— Toivo Klaar (@ToivoKlaar) March 12, 2022
