Դադարեցրե՛ք այս դժոխքը, մի՛ լռեք. աստղերն՝ ընդդեմ Ուկրաինայում պատերազմի. ՏԵՍԱՆՅՈՒԹ

Լուրեր

17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
Բոլորը

Մեմեր և աղոթքներ, լաց` ուղիղ եթերում, ռազմական գործողությունները դադարեցնելու հորդորներ․․․ մշակույթի գործիչներն ու շոու բիզնեսի աստղերը չեն դադարում սոցցանցերի իրենց էջերում և այլ հարթակներում անդրադառնալ ռուս-ուկրաինական ռազմական գործողություններին` կոչ անելով դադարեցնել դրանք և նստել բանակցային սեղանի շուրջ:

Ռուսաստանի ժողովրդական արտիստ, ծնունդով ուկրաինացի Լիա Ախեջակովան Ռուսաստանի մշակութային գործիչներին կոչ է արել դատապարտել պատերազմն Ուկրաինայում։

«Ի՞նչ կլինի մեր երկրի հետ բոլոր այս սանկցիաներից հետո, և այն բանից հետո, երբ մենք գժտվեցինք ողջ աշխարհի հետ։ Մենք ատեցեինք Ուկրաինան, չեմ հասկանում՝ ինչի համար, չէ՞ որ մեր ժողովուրդները միասին են պատերազմել, միասին ենք եղել կալանավայրերում։ Երբ կավարտվի այս ատելությունը մեզ շրջապատողների նկատմամբ։ Սա շատ վատ է ավարտվելու»-ասել է նա։
Ուկրաինական ծագումով երգչուհի, դերասանուհի Վերա Բրեժնևան, օրինակ, ինստագրամյան սթորիներում նշում է, որ նույնիսկ ամենավատ երազում չէր կարող պատկերացնել այն, ինչ հիմա է տեղի ունենում։ «Ուկրաինան ձեր լուրերում և Ուկրաինան իրականում բոլորովին տարբեր երկրներ են: Հիշե´ք, մարդկային կյանքն ամենաթանկ արժեքն է: Դադարեցրե´ք պատերազմը»,- գրել է Բրեժնևան:
Ուկրաինացի պրոդյուսեր, կոմպոզիտոր Պոտապը ևս ինստագրամյան էջում Պուտինին կոչ է արել դադարեցնել գործողությունները։ «Ռուսաստանցիներ, խնդրում եմ, դու´րս եկեք, խոսե´ք, բղավե´ք, բայց դադարեցրե´ք այս ամենը»,-գրել է նա:

Ռուսաստանի սանձազերծած պատերազմը դատապարտել են նաև ռուսաստանցի աստղերն ու մշակութային գործիչները:

Ռուս պոետ, սցենարիստ Սեմյոն Սլեպակովը տեսաուղերձով դիմել է Ռուսաստանի նախագահ Վլադիմիր Պուտինին՝ կոչ անելով գտնել ելք ստեղծված հրեշավոր իրավիճակից և հրաժարվել պատերազմից․ «Ես հասկանում եմ, որ ամեն բան շատ հեռուն է գնացել, բայց դուք կարող եք ինչ-որ բան փոխել, եթե դուք համարեք հրատապ հարց։ Մենք Ուկրաինայի հետ մեկ մշակութային ամբողջություն ենք, և մենք կարիք չունենք միմյանց բացատրել այն, ինչը երբեք չեն հասկանա մեր արևմտյան գործընկերները»։
Ռուսաստանի վաստակավոր արտիստ Ռենատա Լիտվինովան էլ ինստագրամյան իր էջում հրապարակել է լուսանկար՝ «Ո՛չ պատերազմին» գրառմամբ՝ փակելով մեկնաբանությունները ռուսաստանցի հեյթերներից։

«Բառերով չեմ կարող փոխանցել, թե ինչ եմ զգում: Ինչպե՞ս է այս ամենը հնարավոր: Պատերազմն արդարացում չի կարող ունենալ:
Ո´չ պատերազմին»,-ինստագրամյան իր էջում գրել է շոումեն, հաղորդավար Մաքսիմ Գալկինը:

Պատերազմական գործողությունները դատապարտողներին զուգահեռ եղան նաև ռուսաստանցի հայտնիներ, որոնք արդարացնում են Ռուսաստանի գործողությունները: Օրինակ`երգիչ Նիկոլայ Բասկովը ինստագրամյան էջում գրել էր. «Ռուսաստանը պատերազմներ չի սկսում, այլ դրանք ավարտում է»: Ռուսաստանի գործողություններն արդարացնող հայտարարություններով հանդես են եկել նաև ռեժիսոր Նիկիտա Միխալկովն ու Օլեգ Գազմանովը: Նրանց բոլորին Ուկրաինայում հեռակա կերպով կալանավորելու որոշում են կայացրել:

Ուկրաինային և նախագահ Վլադիմիր Զելենսկուն սատարող հրապարակումներ և կոչեր են արել համաշխարհային ճանաչում ունեցող աստղեր: Դերասաններ Բենեդիկտ Քեմբերբեջը, Խավիեր Բարդեմը և Ռոբերտ Պատինսոնը տարբեր միջացառումների ժամանակ առիթը բաց չեն թողել և անդրադարձել են իրենց իսկ ձևակերպմամբ այն սարսափին, որի մեջ ապրում է Ուկրաինայի խաղաղ բնակչությունը:

Երգչուհի, Գրեմմիի բազմակի դափնեկիր Բիլի Այլիշը ինստագրամյան իր էջում ահազանգել է այն մասին, որ Ուկրաինայում երեխաները խաղաղության կարիք ունեն: Բրիտանացի երաժիշտ և կոմպոզիտոր Էլթոն Ջոնն էլ հրապարակել է Ուկրաինայի դրոշը.«Մեր սրտերը Ուկրաինայի ժողովրդի հետ են, որը արժանի չէ այս սարսափը վերապրելուն: Այս ավերիչ ժամանակներում մենք հանդես ենք գալիս Ուկրաինայում բռնությունը և տառապանքը դադարեցնելու կոչով»,-ինստագրամյան էջում գրել է նա:

Հոլիվուդյան դերասանուհի, ՄԱԿ-ի բարի կամքի դեսպան Անջելինա Ջոլին էլ գրել է, որ աղոթում է Ուկրաինայի համար և որ իր թիմը անում է հնարավորը` Ուկրաինայի փախստականներին օգնելու ուղղությամբ:

Իտալացի դիզայներ Ջորջիո Արմանին Միլանում իր հավաքածուի ցուցադրությունը կազմակերպել է քար լռության ներքո` այդ կերպ արտահայտելով իր վերաբերմունքը Ուկրաինայի նկատմամբ ցուցաբերվող ագրեսիային: Ուկրաինային աջակցում են նաև ամբողջական կոլեկտիվներ, օրինակ` Լոնդոնի ֆիլհարմոնիկ նվագախումբը համերգի ընթացքում կատարել է Ուկրաինայի օրհներգը, նույնը արել է Նյու Յորքի Մետրոպոլիտենը:

Մանրամասները՝ տեսանյութում։

Աննա Բաբաջանյան