29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Ռուսական բանակն ընդլայնում է գրոհը, կիևցիները խրամատներ են փորում
Քաղաքականություն
11.03.2022 | 22:39
Ռուսական բանակն ընդլայնում է իր հարձակումը. ուրբաթ օրը թիրախը եղել է Ուկրաինայի կենտրոնում գտնվող Դնեպր քաղաքը։ Հարվածները հասցվել են մանկապարտեզի, բնակելի շենքի և կոշիկի գործարանի, ասվում է ուկրաինական կողմի հատուկ հաղորդագրության մեջ, հայտնում է Euronews-ը։
Խարկովի արվարձանում հրթիռակոծվել է հաշմանդամների համար նախատեսված կացարանը, Telegram-ի ալիքում հայտնել է տեղական վարչակազմի ղեկավար Օլեգ Սինեգուբովը։ Տուժածներ չկան, 76 մարդ տարհանվել է։
Բացի այդ, ինչպես զեկուցել է ՌԴ ՊՆ ներկայացուցիչ Իգոր Կոնաշենկովը, «մարտի 11-ի առավոտյան հեռահար բարձր ճշգրտությամբ զենքով հարված է հասցվել Ուկրաինայի ռազմական ենթակառուցվածքների օբյեկտներին, շարքից հանվել են Լուցկում ու Իվանովո-Ֆրանկովսկում ռազմական օդանավակայանները»։
Maxar technologies-ի արբանյակային լուսանկարներում երևում է, որ ռուսական զրահամեքենաների շարասյունը Կիևի մերձակայքից ցրվել է, սակայն, ամերիկացի մասնագետների կարծիքով, ռուսները դանդաղ, բայց ճիշտ մոտենում են Ուկրաինայի մայրաքաղաքին։
Սրա հետ մեկտեղ, ռուսական զրահամեքենաները հաճախ հայտնվում են շրջափակման մեջ․ տանկերն ու զրահամեքենաները խոցվում են թուրքական «Բայրաքթար» ԱԹՍ-ներով։
Մինչ այդ, Կիևի բնակիչները և Ուկրաինայի տարբեր քաղաքներից նրանց միացած կամավորները խրամատներ են փորում՝ նախապատրաստվելով փողոցային մարտերի։
Տաթև Ֆռանգյան
