29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Պատերազմը՝ թվերով․ որքա՞ն կորուստ են ունեցել Ուկրաինան և ՌԴ-ն․ ՏԵՍԱՆՅՈՒԹ
Քաղաքականություն
11.03.2022 | 16:45
Ռուս-ուկրաինական պատերազմի ավարտը դեռ չի նշմարվում, իսկ կողմերի մարդկային և զինտեխնիկայի կորուստներն օր օրի աճում են։
Ուկրաինայի ԶՈՒ Գլխավոր շտաբը պնդում է՝ ռուսական կողմը ռազմական գործողությունների մեկնարկից ի վեր ունեցել է ավելի քան 12 հազար զոհ։ Ըստ ուկրաինական կողմի՝ փոքր չեն նաև զինտեխնիկայի և զենք-զինամթերքի կորուստները։ Ըստ պաշտոնական Կիևի՝ ոչնչացվել է ռուսական բանակին պատկանող 49 ինքնաթիռ, 81 ուղղաթիռ, 335 տանկ, 1105 զրահամեքենա, 123 հրետանային համակարգ, 29 հակաօդային պաշտպանական սարք, 56 համազարկային կրակի ռեակտիվ համակարգ և 7 անօդաչու։
Զոհերի և կորուստների մասին օրեր առաջ հրապարակում է կատարել նաև ԱՄՆ Կենտրոնական հետախուզական վարչության տնօրենը՝ պնդելով՝ փետրվարի 24-ից ի վեր Ուկրաինայում մոտ 4000 ռուս զինվոր է սպանվել, այնինչ Ռուսաստանը հաստատել է միայն 498 կորուստի փաստը։
ՌԴ Պաշտպանության նախարարությունը զերծ է մնում ուկրաինական կողմի զոհերին անդրադառնալուց։ Փոխարենը, պարբերաբար հայտնում է զինտեխնիկայի կորուստների մասին։ Ըստ ՌԴ ՊՆ-ի երեկվա հրապարակած տվյալների՝ պատերազմի մեկնարկից ի վեր Ուկրաինան կորցրել է 97 ինքնաթիռ, 107 անօդաչու թռչող սարք, 141 ՀՕՊ համակարգ, 986 տանկ և այլ զրահամեքենա, 107 համազարկային կրակի ռեակտիվ համակարգ, 386 հրետանային և ականանետային միջոց։
Մանրամասները՝ տեսանյութում։
Ռոզա Վարդանյան
