Քաղաքականություն
11.03.2022 | 22:05
Մարտի 11-ի դրությամբ՝ Ուկրաինայում ռազմական գործողությունների սկզբից ի վեր 78 երեխա է մահացել, ավելի քան 100 երեխա վիրավորվել է։ Unian-ի փոխանցմամբ՝ այս մասին հայտարարել է Գերագույն ռադայի մարդու իրավունքների հանձնակատար Լյուդմիլա Դենիսովան։
Միաժամանակ, նրա խոսքով, դեռևս անհնար է ճշգրիտ տվյալներ հաստատել Դոնեցկի մարզի Մարիուպոլ և Վոլնովախա ու Կիևի շրջանի Իրպեն քաղաքներում սպանվածների և վիրավորների մասին։
«Երեկ Կիևի մարզի Սկիբին քաղաքից Բրովարսկի հիվանդանոց են դիմել կրակոցների տակ հայտնված հայրը՝ իր 15-ամյա որդու հետ։ Նրանք բեկորային վնասվածքներ ունեն։ Չեռնիգովի մարզի Նիժինում գնդակոծությունից վնասվել է թիվ 17 հանրակրթական դպրոցը, թիվ 25 մանկական ուսումնական հաստատությունը և թիվ 6 ընտանեկան բժշկության ամբուլատորիան»,- նշել է օմբուդսմենը՝ ՌԴ-ին մեղադրելով Հաագայի ու Ժնևյան կոնվենցիաների խախտման մեջ։
Տաթև Ֆռանգյան
