28.03.2026 | 23:47
ՔՊ քվեարկություն․ առաջատար 10-յակը և ամենաքիչ ձայներ հավաքած թեկնածուն
Միջազգային հաշվարկների բանկը կասեցնում է ՌԴ Կենտրոնական բանկի հասանելիությունն իր ծառայություններին
Քաղաքականություն
11.03.2022 | 21:18
Միջազգային հաշվարկների բանկը (BIS) կասեցնում է Ռուսաստանի բանկի (ՌԴ ԿԲ) հասանելիությունն իր ծառայություններին: Այս մասին հայտնել է Ուկրաինայի Ազգային բանկի մամուլի ծառայությունը, փոխանցում է Unian-ը։
«Ուկրաինայի Ազգային բանկը ողջունում է Միջազգային հաշվարկների բանկի որոշումը՝ կասեցնելու Ռուսաստանի Կենտրոնական բանկի մասնակցությունն այս հնագույն միջազգային ֆինանսական կազմակերպության գործունեությանը, որը հաճախ անվանում են Կենտրոնական բանկերի բանկ՝ կապված Ուկրաինայի դեմ ռազմական ագրեսիայի»,- ասվում է հաղորդագրության մեջ։
Նշվում է, որ ի պատասխան Ուկրաինայի Ազգային բանկի դիմումի՝ BIS-ը սահմանափակել է ՌԴ Կենտրոնական բանկի մուտքը իր բոլոր նիստերին, ծառայություններին և այլ գործողություններին:
Տաթև Ֆռանգյան
